بلخ دیوارلریده «ایشانچ رنگی»

بلخ‌ده «ایشانچ رنگی» ناملی بیرینچی مرته دیوار بویه‌ش کورگزمه‌سی اوتکزیلدی.

دیوار بویه‌ش کورگزمه‌نی یولگه قویگن اِپسو روانی و اجتماعی مؤسسه رسمی‌لری‌نینگ ایتیشیچه، اوشبو کورگزمه پیامی ایشانچ و بیری- بیراونی قبول ایتیش دیر.

دیوار بویه‌ش کورگزمه‌نی یولگه قویگن‌لردن بیری محمدرضا محمدی‌نینگ ایتیشیچه، اوشبو کورگزمه بلخ‌ده دیوار بویه‌ش خصوصیده، بیرینچی مرته یولگه قوییلگن.

جناب محمدی‌نینگ ایتیشیچه، اوشبو دیوار بویه‌ش دن مقصد، ایشانچ‌سیزلیک و چیگل‌لیک‌که تارتیلگن جماعه‌ده، ایشانچ توشینچه‌سینی اوتکزیش بولگن.

اوشبو کورگزمه گیتار سیسی بیلن باشله‌نیب، اشتراک‌چیلر و یاش قیز- اوغیل‌لر توشینچه‌لرینی دیوار یوزیگه کورگزمه‌گه قویگن.

نقاش و دیوار بویاوچی سید مهدی نیازی‌نینگ ایتیشیچه، بلخ‌ده دیوار بویه‌ش بیر ییل‌لیک صنعتی استه‌سکین تانیلماقده و خلق اونینگ اهمیتی‌نی درک قیله‌دی؛ بیراق بو صنعت تیزلیک‌ده جماعه‌ده جای تاپمه‌یدی و خلق اونی تانیگینچه اوزاق زمانلر اوته‌دی.

شونینگ‌دیک، اوشبو کورگزمه اشتراک‌چیلریدن بیری محمدشریف‌نینگ ایتیشیچه، دیوار بویه‌ش قیزیق صنعت و بو صورت‌لر یولاوچی‌لرگه یخشی توشینچه بیره‌آله‌دی.

دیوار بویه‌ش ناراضیلیک صنعتی نیچه ییل‌دن بویان افغانستانده رواجلنگن و کوپینچه یاشلر اونگه علاقه کورستگن.