کنر ولایتینینگ ناره نورستان ولایتی نینگ کامدیش برگمتال یولینی باسیب اوته دیگن منطقه نابرقرارلیک سبب یاپیلیب و بو منطقهلر یشاووچیلریگه کته جنجال توغدیرگن.
بوندن اوچ آی آلدین تاغ سیلجیشی نتیجهسیده کنر ولایتی اسمار تونمی نینگ یولی یولاووچیلر یوزیگه یاپیلیب قالگن ایدی. مذکور یول آچیلیشی بارهسیده حل یول قیدیریشدن آلدین جنگری طالبلر منطقهده ییرلهشیب، تاغ نی اوستیدن توریب اهالی و ملی کوچلر نقلیه واسطهسینی نشانگه آلهدی.
بونگه قرهمی کنر ولایتینینگ محلی حکومتی بوندن بیر هفته آلدین بو مشکل حل ایتیلیشینی ایتگن ایدی؛ اما، هنوزهم بو یولدن اوتیش قصداً اوزینی اولیم چنگالیگه بیریش حسابلنهدی.
بو یولدن انه – سنده اوتیب قیته دیگن خلق مذکور یول نی پیاده باسیب اوتگن حالده، بازار و ساغلیقنی سقلش مرکزیگه اوچ ساعت کیچیک بارهیش لرینی ایتهدیلر. اولرگه کوره، جنگری طالبلر حتی تینچ اهالی موترینی هم نشانگه آلهدی.
اهالینینگ ایتیشیچه، بو یول ترافیک یوزیگه یاپیلگندن بیری، ییگولیک آذیق آوقت تنقیسلیگیگه دورچار بولگنلر. شونینگدیک آذیق آوقت نرخی هم جوده یوقاری کیتگنی اهالی تامانیدن ایتیلهدی. منطقه خلقی بو یول اهالی یوزیگه آچیب بیریلیشینی سورهگن لر.
قوراللی طالبلر هنوزگچه بو حقده بیرار نرسه دیمهگن.
عین حالد، کنر ولایت والیسینینگ سوزلاوچیسی غنی مصممنینگ سلاموطندارگه ایتیشیچه، بو یول آچیلیشی اوچون سعی و حرکتلر دوام ایتماقده.
او، تیزلیکده منطقه ده عملیات اوتکزیلیشی ممکن دیگن. منطقهدهگی جنگریلرنینگ مرکزینی نابود قیلیش اوتکزیلهجک عملیاتنینگ بیرینچی هدفی حسابلنهدی.
افغانستان شرقیده جایلشگن کنر ولایتی مملکتنینگ نابرقرار حدودرلریدن حسابلنهدی.
