افغانستان برقینی تأمین لاوچی (برشنا) شرکتی رسمیلرینینگ ایتیشیچه، مذکور شرکتدن 25 دولتی اداره کمیده 3 میلیارد افغانی قرضدار دیر و صرفلهگن برق پولینی تولمهیدی.
معارف، ایچکی ایشلر، اجتماعی ایشلر، مخدره مادهگه قرشی کورهشیش، عالی اوقوو، ترانسپورت، مخابرات، ایکینچیلیک، فواید عامه، ساغلیک، کانلر و پترولیم وزیرلیکلری و شونینگدیک قماقخانهلر، محلی ارگانلر، سوو ییتکیزیش، هوا قونالغهلر، هتللر تصدیسی، باش محکمه، ملی رادیو و تلویزیون و ولایتی کینگش ریاستلری مذکور شرکتدن قرضدار قالگن.
اوشبو شرکت سوزلاوچیسی وحیدالله توحیدینینگ، (چهارشنبه کون) کابلده اوتکزیلگن بیرخبری ییغینده ایتیشیچه، اوشبو ادارهلر قرضلرینی تولمهگن صورتده، برقلری کیسیلب و 5 فایز جریمه بولهدی.
شونینگدیک، برشنا سوزلاوچیسی، قیش موسومیده برق کیلیب و کیتیشینی تعیینلنگن چاغده برق خرجتی تولنمهگنی و مصرف کوپلیگی دیب بیلهدی.
برشنا شرکتی افغانستان برقینی تأمینلهیدیگن بیرینچی شرکت دیر. اوشبو شرکت 1388- ییل سوداگرلیک شرکتیگه اوزگردی و اونینگ سهمیهدارلری دولتی ادارهلر بولگن و شونینگدیک، کوپینچه سهمیهسی سالیق وزیرلیگیگه تیگیشلی بولهدی.
مذکور شرکت رسمیلری هردایم زورهوان کیشیلر و دولتی ادارهلر تامانیدن برق پولی تولنمهگنیدن شکایت قیلیب کیلگن. انچه پیت آلدین، اوشبو اداره رسمیلری، بیرقطار زورهوان کیشیلردن قرضلرینی قولگه کیریتیش خصوصیده، میدیالر حضوریده بیرقطارلرینینگ برقینی کیسگن ایدی.
