افغانستان ملی مدافعه وزیرلیگینینگ مسؤوللری مملکتدن پاکستانگه هئیت سفر قیلگنلیگی بارهسیده خبر بیرگنلر. اوشبو هئیت ملی مدافعه، ایچکی ایشلر وزیرلیگی، ملی خوفسیزلیک ادارهسی و چیگره کوچلری بلند مرتبهلی رسمیلریدن تشکیل ایتیلگن.
افغانستانلیک مذکور هئیاتلر شنبه کیچه پاکستان حربی لر آرقهلی آتیلگن 16 راکت کنر ولایتینینگ ایریم حدودلریگه توشیب پارتلهگن بیر چاغده عملی بولماقده.
بوگون کابلده بیر خبری ییغینده سوزلهگن مدافعه وزیرلیگینینگ سوزلاووچیسی دولت وزیرینینگ ایتیشیچه، مذکور وزیرلیکنینگ عملیات بولیمی معاونی قدیرخان اوشبو هئیتگه رهبرلیک قیلهدی. عین حالده، جناب وزیری، سفرده اشتراک قیلگنلر کیملیگی همده سانی بارهسیده انیق معلومات بیرمهگن.
سفرده تامانلر ارا راکته هجوملر، دیورند چیزیغی همده قوشمه حربی علمیاتلر مسالهسی اوستیده بحث قیلهدیلر. اما، ایریم سیاسی تحلیلیچیلر افغانستانلیک هئیتلرن پاکستانگه قیلگن سفری ایجابی بولمسلیگینی ایتگنلر.
خلق ارا ایش بیلرمان لطیف نظرینینگ سلاموطندارگه ایتیشیچه، پاکستان افغانستانگه نسبتن صادق ایمس، هر دایم افغان هئیتلرنی آلدیدی. شونینگدیک پاکستان حربیلری هردایم مملکت چیگیره حدودی اینیقسه کنر و پکتیکا ولایتلرینی راکته هجوم آستیگه آلهدی.
جناب نظری، پاکستان بیر تاماندن اوزینی افغانستانگه دوست همکار بیلیب، باشقه تاماندن راکته هجوم آستیگه آلهدی. بو اوزی اصلیده ایکی تامانلمه سیاست دیر. اونگه کوره، افغانستان پاکستان برابریده آچیق سیاست قبول قیلیشی درکار.
جناب نظریگه کوره، اوشبو مذاکرهلر قیسقه مدت اوچون ایجابی تاثیری بولیشی ممکن.
اما اوزاق مدت اوچون هیچ قندهی تاثیر یوق. اونگه، پاکستان اوز نیتیگه ییتمه گونگه قدر، افغانستاننی دایم شوندهی معمالر بیلن دوچار قیلیب تورهدی.
بو بیرینچی مرته ایمس، افغانستان نینگ شرقی حدودلری پاکستان حربیلر آرقهلی هجوم آستیگه آلینسه، بوندن آلدی سابق جمهور رییس حامد کرزی زمانیده هم بو قبل حادثهلر بار – بار یوز بیریب کیلگن.
عین حالده، افغانستان تشقی ایشلر وزیرلیگینینگ سیاسی معاونی پاکستان راکته هجوملریگه عکس العمل بیلدیریب، او مملکت نینگ افغانستاندهگی ایلچیسینی چقیرگن ایدی.
پاکستان ایچلچیسینینگ مساله اوچون بیرگن تعهدلریگه قرهمی، ینه مملکت کنر ولایتی نینگ ایریم منطقهلریده پاکستانلیک حربیلر آرقهلی راکته هجوم آستیگه آلینماقده.
