فاریاب محلی رسمیلرینینگ ایتیشیچه، ولایت سیکیز تومنیده جنگری طالبلر تامایندن یولگه قویلگن تهاجمی یوروشلر خنثی ایتیلدی.
5- ثور فاریاب ولایت سرپرستی عبدالستار بارز نینگ بیر خبری انجمن اوتکزیب ایتیشیچه، جنگری طالبلر ولایت قرمقول، دولت آباد، شیرین تگاب، خواجه سبز پوش، پشتونکوت، المار، قیصار و غورماچ تومنلریده یوروش ایلتگن ایدی، امنیتی کوچلر قرشی حرکتی بیلن خنثی قیلینگن.
ینه بیرتاماندن فاریاب امنیتی مسؤوللریگه کوره، ولایت تومنلریگه اوتکزیلگن توقنه شوولرده، دولت قورالی مخالفلریدن 45 کیشی اولیب، یرهکوترگن.
فاریاب پولیس باشلیغی عبدالنبی الهامنینگ رسانهلرگه ایتشیچه، ایکی کوندن بویان طالبلر بیلن اردو و پولیس کوچلری ارا آغیر توقنه شوولر اوتکزیلگن.
اونینگ کوپهیتیریشیچه، توقنه شوولر نتیجه سیده جنگری طالبلر تانیقلی قومندانلری قوشیمجه 23 کیشی هلاک بولگن و 22 کیشی هم تن جراحت آلگن.
فاریاب پولیس باشلیغیگه کوره، مذکور توقنه شوولرده پولیس کوچلریدن ایکی کیشی هلاک بولگن و باشقه ایکی کیشی هم تن جراحت آلگن. شونینگدیک جناب الهام هجوم ایلتیلگن تومنلر امنیتی وضعیتی عادی حالتیگه کیلگنلیگینی تیلگه آلگن.
موندن آلدین هم طالبلر عزم ناملی عملیاتنی دولتگه قرشی جمعه کونی باشلهنیشیدن خبر بیرگن اید. مذکور جنگریلر جمعه کیچهسی یریمیدن باشلهب اولکه ایریم ولایتلریده امنیتی کوچلر پوسته سیگه هجوم ایلتگن ایدیلر. اما امنیتی رسمیلرینینگ ایتیشیچه، طالبلرنینگ دولتگه قرشی هجومی مثبت نتیجه بیرمهگن.
