هرات شهریده یوز بیرگن بیر یانغین نتیجهسیده ایکی عایلهنینگ اون اعضاسی حیاتدن کوز یومگن
ولایت پولیس ادارهسینینگ سوزلاووچیسی عبدالرووف احمدینینگ سلاموطندارگه ایتیشیچه، یکشنبهدن دوشنبهگه اوترکیچهسی هرات شهرینینگ بیشینچی ناحیهسیده یوز بیرگن یانغینده ایکی خانهداننینگ اون اعضاسی عالمدن اوتگن.
جناب احمدیگه کوره، مذکور اویده ایکی ایناغه اوز عایلهسی بیلن حیات کیچیرردی. احمدی، مذکور یانغیننینگ اصلی سببی هنوزگچه معلوم ایمسلیگینی ایتگن، لیکن بو توغریده تیرگاو باشلنگن.
عین حالده، هرات حوزهیی شفاخانهسینینگ سوزلاووچیسی محمد رفیق شیرزی، قربان بولگنلر تورت عیال، اوچ گودک و 3 ایرکک دیگن.
جناب شیرزی، واقعه هرات شهریدهگی منارهلر یقینیدهگی منطقهده روی بیرگن دیگن.
شیرزینینگ سوزلریگه کوره، حادثه قربان بولگنلر برچهسی ساغلیقنی سقلش ادارهسیگه آلیب باریلگن، اما هنوزگچه جسدلرنی آلیب کیتیش اوچون یقین قرینداشلریگه هیچ کیم مراجعه قیلمهگن دیگن.
