ارزگان محلی پولیس باشلیغلریدن بیری عبدالصبورنینگ اولتیریش اویینی پارتلهتیش نتیجهسیده، اوشبو قومندان عایله اعضالریدن 11 کیشی هلاک بولگن.
آتی توتیلیشینی ایستمهگن ولایت رسمیلریدن بیرینینگ سلاموطندارگه ایتیشیچه، نیچه آیدن بویان طالبلر، ییر آستیدن سوُم قازیب، مذکور قومندان اویگه اوزلرینی ییتکیزگن. اونینگ کوپهیتیریشیچه، اوشبو گروه عبدالصبور قومندان اوییگه ییر آستیدن کیلیب، بمب قویب سوُمدن چیقیشلری بیلن اونینگ پارتلهتگنلر.
بو امنیتی مقامگه کوره، حادثهده 3 عیال، ایکی باله و جناب عبدالصبور قومندان قوریقچیلریدن 6 کیشی هلاک بولگن.
ایتیلیشیچه، بمب پارتلهتیلیشی بیلن، طالبلر محلنی قمراوگه آلیب، بو قومندان قوریقچیلری بیلن نیچه ساعت اوروشگنلر. حادثه بوگون ایرتهلب روی بیرگن.
حاضرگه قدر طالبلر و بو قومندان قوریقچیلریدن اولگنلری بارهسیده انیق معلومات قولده کیلمهگن.
حاضرگه قدر بوتوغریده طالبلر بیرنرسه دیمهگن.
طالبلرنینگ بونقه تکتیکلری بیرینچی مرتهسی ایمس. 4 ییل آلدین هم کندهار قماقخانهسی یقینیدهگی اولتیریش اویلردن بیرینینگ ایچیدن طالبلر 320 متر سوُم قازیب، تورمه دهگی 475 طالب زندانیلرنی اوزلری بیلن بیرگه آلیب کیتگن ایدیلر.
سوُمنی قازیش ایشی 5 آی دوام تاپگن ایکن.
