.jpg)
هلمند ولایتیده 215 میوند قول اردو قومندانلیگی مسؤوللرینینگ ایتیشیچه، دلارام-زرنج قتناو یولیده نیچه کوندن بویان یولگه قوییلگن عملیات نتیجهسیده، طالبلرنینگ باجخانهسی نابود ایتیلگن.
هلمند ولایتیده 215 میوند قول اردو قومندانی ولیمحمد احمدزینینگ سلاموطندارگه ایتیشیچه، اوشبو عملیات قتناو یولنی طالبلردن تازهلش نیتده یولگه قوییلگن و طالبلر تازهلنگنیدن سونگ، مذکور یولده امنیتی پوستهلر ایجاد ایتیلهدی.
جناب احمدزینینگ کوپهیتیریشیچه، نیمروز قتناو یولینینگ خوفسیزلیگی نیچه کونده تأمین ایتیلهدی و باج آلیشلرنی آلدی آلینهدی.
.jpg)
هلمند ولایت کینگشی باشلیغی بازمحمد ناصرینینگ ایتیشیچه، شو کیچه-کونده نیمروز قتناو یولی امنیتی تهدیدلرگه روپهره بولیب تورگن و بو قتناو یولنی خوفسیزلیگی تأمینلنیشی اوچون امنیتی کوچلر کوپراق کورهشی لازم.
نیمروز قتناو یولیده طالبلرنینگ باجخانهسی نابود ایتیلگن خبر، نا رسمی معلوماتلر اساسیده، مذکور گروهنینگ جنگریلری هر کون قتناو یولدن مینگلرچه افغانی درآمد قولگه کیریتهدیگن بیرچاغده، نشر ایتیلگن. ایتیلیشیچه، طالبلر فراه قتناو یولیده هم باجخانه ایجاد قیلگن.
