شمال شرق اینیقسه قندوز ولایتیده نابرقرارلیکلر آشگنیدن سونگ ولایت نینگ بیر قطار یاشلری و مدنی جماعهچیلیک فعاللری پایتخت کابل کیلیب، حکومتدن ولایت ینه طالبان قولیگه اوتمسلیگی اوچون بیفرق قالمسلیکلرینی سورهگنلر.
قندوزلیک مدنی فعاللر همده یاشلر بوگون (یکشنبه) کابلده بیر خبری انجمن اوتکزیب، حاضر ایسه ولایت نینگ تورت تومنی جنگری طالبان اشغالیده دیگنلر. شونینگدیک نیچه ولسواللیک هم جنگری طالبان آرقهلی جدید تهدید آستیگه ایکنلیگی ایتیلهدی.
مذکور ولایت مدنی جماعهچلیک فعالی فیض فرهمندنینگ سوزلریگه کوره، ولایت امنیتی تامین بولیشی اوچون حکومت اعتبار قرهتمهگن تقدیرده، قندوز ینه بیر بار طالبان قولیگه اوتیشی ممکن.
مدنی جماعهچلیک نینگ ینه بیر اعضاسی نوریه نادر ولایتده نابرقرارلیک میزانی آشگنلیگی توغریسیده آگاهلنتیریب، قندوز نینگ قلعهزال تومنی طالبان اشغالیگه اوتیشی قندوز همده شمال شرق ولایتلری اوچون زنگ خطر دیگن.
او، حکومتدن ولایتده امنیت تامین بولیشی اوچون عملده آدیم کوتاریشنی طلب قیلگن.
اما، مملکت مدافعه وزیرلیگی سوزلاووچیسی نینگ اورین باسری محمد رادمنش، هیچ بیر گروهگه قندوز و تومنلرینی تصرف قیلیش اوچون رخصت بیریلمهیدی دیگن.
