پاکستانده افغانستان ایلچیلیگی نینگ رسمی لری مملکت کوچلریدن 6 عسکر حربی تیارگرلیک کوریش اوچون پاکستانگه کیلگن لیک لری توغریسیده خبر بیرماقده لر.
افغانستان نینگ پاکستانده گی ایلچیسی جانان موسی زی نینگ معلوم قیلیشیچه، ملی اردو نینگ مذکور 6 نفر عسکری پاکستان ملی اردوسی نینگ حربی بیلیم یورتیده 18 آی حربی ساحه ده تیارگرلیک کوره دی. اسلام آباد ده افغانستان نینگ ایلچیسی افغانستانلیک حربی لرنی پاکستانگه حربی تیارگرلیک کوریش اوچون کیلگن لیک لر ایلکه مملکت علاقه لری مستحکم له نیشی اوچون ییریک آدیم بولگن لیگی نی ایتگن.
افغانستان ملی مدافعه وزیرلیگی سوزلاوچیسی نینگ اورین باسری دولت وزیری سلام وطندار بیلن بولگن صحبتده، اوشبو موضوع رسمی کابل بیلن اسلام آباد نینگ علاقه سی آلدین دن کوره یخشی له نیشی اوچون ایجابی تاثیر بارلیگی نی بیلدیرگن. اونگه کوره، افغان حربی لری نینگ پاکستانگه باریشی عادی بیر مساله. دولت وزیری، اوشبو عسکرلر او مملکت حربی بیلیم یورتیده حربی ساحه ده ملکه لرینی آشیریش لرینی بیلدیرگن. جناب وزیری، مملکت حربی عسکر لری دنیا نینگ باشقه مملکت لریده هم حربی ساحه ده تحصیل کوریش جریانیده ایکن لیک لرینی تیلگه آلگن.
وزیری، افغانستان دولتی مملکت حربی کوچلری تربیه له نیش لری اوچون هندوستانگه هم یوباریلگن لیک لرینی ایتگن. شونینگ دیک جناب وزیری، افغان ملی حربی کوچلریدن ییلی ده 20 کیشی حربی ساحه ده تحصیل آلیش اوچون روسیه گه یوباریله یاتگن لیک لرینی معلوم قیلگن.
شونینگ دیک حربی تحلیلچی لردن عتیق الله امرخیل نینگ ایتیشیچه، افغانستان جمهور رئیسی داکتر محمد اشرف غنی و پاکستان باش وزیری اورته سیده افغانستانده دولت قوراللی مخالف لری همده ترورچیلیککه قرشی کوره ش اوچون ینگی حسن نیتت لر باشلگن.
جناب امرخیل گ کوره: « پاکستان حکومتی افغانستان دولتیگه حسن نیت کورستگن حالده، بیز افغان ملی کوچلرینی پاکستانگه یوباریب حربی ساحه ده تربیه آلیش لری اوچون اونچه لیک ضرور هم سیزمیمیز. اونگه کوره، مساله نینگ کیله جگی خطرلی دیر»
اوشبو حربی متخصص گه کوره، افغانستانلیک اوشبو حربی لر پاکستاندن مملکت گه قیتگن حالده، مملکت اهالی سی بولرنی باشقه قره ش بیلن کوریب، پاکستان جاسوسلیک اداره سی یا آی اس آی تامانیدن اورگه نیش کورگن لیک کوزی بیلن قره ش لری هم هیچ گپ ایمس لیگی نی ایتگن.
شونینگ دیک جناب امر خیل، افغانستان باشقه ساحه لرد هم پاکستان نینگ همکارلیک قیلیشیگه احتیاجی بارلیگی نی رد قیلمه گن. اونگه کوره، پاکستان باشقه بولیم لرگه افغانستان حکومتیگه همکارلیک قیلیشی لازم لیگی حقیده تاکیدله گن. او، هلی بیز حربی لریمیز نی پاکستانگه یوباریب حربی ساحه ده تیارگرلیک کوریشلری اوچون اونچه لیک احتیاجیمیز یوق دییه بیلدیریب، حاضرگی کونده پاکستاندن کوره بو ساحه ده اوزیمیز قابلیت گه ایگه میز دییه بیلدیرگن جناب امر خیل.
اوتگن ییلر دوامیده افغانستان و پاکستان علاقه لری جوده چیگیل بولیب کیلگن. افغانستان دولت بلند مرتبه لی رسمیلری هر دایم او مملکت نی ترورچی گروه لرنی قوللب قوتله گن لیک ده عیب لب کیلگن لر.
بوندن ایکی آی آلدین پاکستان گه سفر قیلگن افغانستان جمهور رئیسی داکتر محمد اشرف غنی، پاکستان دولتی نینگ افغان حربی لری بو مملکت گه تربیه آلیش اوچون قیلگن تکلیفیگه راضی لیک بیلدیرگن ایدی.
بیرینچی مرته دیر افغانستان حربی لری نینگ 6 عسکری پاکستانده حربی ساحه ده تربیه کوریش اوچون او مملکت گه سفر قیلگن.
