فراه ولایتی کینگش اورین باسری شاهمحمود نعیمینینگ سلاموطندارگه ایتیشیچه، اوشبو ولایتده طالبلرنینگ هجوملری کوپهیگن. جناب نعیمی گه کوره، فراه شهری طالبلر قمراویگه قرار تاپگن و بو گروه جنگریلری هر گاهگاهی امنیتی کوچلر پوستهلریگه هجوم قیلهدیلر.
فراه ولایتی کینگش اورین باسرینینگ کوپهیتیریشیچه، چیتایللیک کوچلرنینگ بو ولایتده حضوری بولگن زمانلرده، طالبان گروهی دفاعی حالده قرار تاپگن ایدی، بیراق اولرنینگ چیقیشی بیلن امنیتی کوچلر دفاعی حالده قرار تاپگن. اونینگ ایتیشیچه، طالبلرنینگ هجوملری نتیجهسیده حاضرگهقدر امنیتی کوچلردن 20 تهسی هلاک ایتیلگن.
فراه ولایتی کینگش اعضاسی خیرمحمد نورزایی و مدنی فعاللریدن بیری جاوید تابشنینگ طالبلرنینگ هجوملری کوپهیشی و امنیتی کوچلر تلفاتیدن خواطر بیلدیریب ایتیشیچه، هر کیچهده امنیتی کوچلردن کمیده 6 تهسی هلاک ایتیلهدی.
اولرنینگ ایتیشیچه، فراه ولایتینینگ 90% توپراغی طالبلر نظارتیگه دیر.
فراه پولیس قومندانلیگینینگ سوزلاوچیسی محبالله محب، امنیتی کوچلر تلفاتینی تصدیقلیدی، بیراق اوشبو ولایت امنیتی وضعیتی خصوصیده صحبت قیلمهیدی.
ایکی کیچه آلدین طالبان جنگریلری فراه شهرینینگ اطرافیده پولیس پوستهلری اوستیگه هجوم قیلیب امنیتی کوچلردن بیرقطارینی اولدیریب و یرهلنتیرگن بیرچاغده، شونینگدیک تنقیدلر کوپهیگن.
