سمنگان ولایتی محل رسمیلرنینگ ایتیشیچه، مذکور ولایت محکمهسی سابق باشلیغی 13 یاشر اوگهی قیزیگه جنسی زورهوانلیک قیلیشگه عیبلنیب ولایت پولیسی تامانیدن توتیلدی.
اوشبو رسمیلرگه کوره، مذکور کیشینینگ آتی قاضی تورگل دیر، اوچ ییلدن بویان اوگهی قیزیگه جنسی زورهوانلیک قیلگن و حاضر بو قیزنینگ بیر اوچ یاشر بالهسی بار دییلهدی. شونینگدیک ایتیلیشیچه، حاضر مذکور قیزنینگ قارنیگه باشقه بیر آلتی آیلیک بالهسی بار دییدی.
سمنگان پولیس قومندانلیگی سوزلاوچیسی منیراحمد رحیمینینگ سلاموطندارگه ایتیشیچه، قاضی تورگل اوشبو قیزنینگ آنهسی شکایتی اساس، یکشنبه کون کیچ قورون ولایت پولیسی تامانیدن توتقونگه آلینگن.
بیراق، سمنگان ولایت کینگشی نمایندهسی محمدهاشم سرورینینگ واقعهنی تأیید قیلیب ایتیشیچه، مذکور قیز قاضی تورگل اوییدن قاچیب، اوزی سمنگان پولیس قومندانلیگیگه شکایت قیلگن.
اوشبو یاش قیز حاضر سمنگان ولایتیده حیات کیچیرهدی و عدلی و قضایی ادارهلردن اوگهی آتهسینینگ قتیق صورتده جزالشینی سورهیدی.
فاریابده بیریاش قیز اوزینینگ دارگه آسگن
باشقه بیر خبرگه کوره، فاریاب ولایتی پشتونکوت تومنی امام صاحب منطقهسیده بیر یاش قیز اوزینینگ دارگه آسگن.
مذکور تومن سرپرستی عبدالقدیر قادرینینگ سلاموطندارگه ایتیشیچه، گلالی ناملی 20 یاشر قیز بوگون (دوشنبه) توشدن آلدین اوز اوییده خودکشلیک قیلگن.
جناب قادریگه کوره، گلالی مذکور تومن «چقماق» منطقهسیده بیر کیشیگه نامزاد بولگن و نامزادینینگ باشقه بیر خاتینیهم بار ایکن.
پشتونکوت تومنی سرپرستی، بو یاش قیزنینگ خودکشلیک قیلگنلیگی دلیلینی عایلهوی قیینچیلیک دیب بیلهدی، اونینگ کوپهیتیریشیچه، امنیتی کوچلر بو قضیه توغریسیده تیرگاوگه باشلهگن.
شونینگدیک فاریابده کسلخانه رسمیلرینینگ تأیید قیلیشیچه، 20 یاشر گلالی دارگه آسیلیب جان بیرگن و اوندن کیین کسلخانهده انتقال بیریلگن.
عین حالده، گلالینی تاغهسی اسداللهنینگ ایتیشیچه، او، میرگی کسللیگی و علاقهسی بولمهگن کیشیگه نامزاد بولگنی باعث، خودکشلیککه قول اورگن.
فاریاب ولایتی انسان حقوقلری کمیسیونینینگ ولایتی دفتر باشلیغی حفیظالله فطرتنینگ ایتیشیچه، فاریابده بو بیشینچی قضیه کیم یاش قیزلر تامانیدن اویوشتیریلگن.
شونینگدیک انچه پیت آلدین، مذکور ولایت خواجه سبزپوش تومنیده بیر یاش قیز اوزینینگ اوققه توتیب حیاتیگه نقطه قویگن ایدی.
