بوگون (شبنه) ایرتهلب ساعت 8:30 ده خوست شهریده پارتلاو حادثهسی روی بیریش نتیجهسیده 14 جان بیرگن.
خوست کسلخانهسی سرپرستی گلمحمدین محمدی نینگ سلاموطندارگه ایتیشیچه، حاضرگه قدر حادثه ییریدن 14 کیشی جسدی و 8 کیشی هم یرهلنگن حالده کسلخانهده کیلتیریلگن. یرهلنگنلر ارا ایکی باله بارلیگینی تصدیقلیدی او.
خوست محلی رسمیلری نینگ ایتیشیچه، حادثه اورنهتیلگن ماین پارتلهنیشی بیلن روی بیرگن.
خوست پولیس باشلیغی فیضالله غیرت نینگ ایتیشیچه، حادثهده 10 جان بیرگن و باشقه 10 کیشی یرهلنگن. یرهلنگنلر ارا تینچ اهالی و حربی کوچلری شامل دیگن غیرت.
خوست پولیس باشلیغی نینگ کوپهیتیریشیچه، حاضرگه قدر حادثه قنقهلیگی معلوم ایمس، اما پولیس بوبارهده تیرگاولرینی باشلهگن.
حادثه روی بیرمسدن نیچه ساعت آلدین جمهور رییس محمد اشرف غنی ترورچی گروهلردن رمضان مبارک آییگه حرمت قویگن بولسهلر ترورچی حجوملرگه قول اورمسلیکلرینی طلب قیلگن ایدی.
حاضرگه قدر قیسی بیر گره و حادثه مسؤولیتینی بوینیگه آلمهگن.
