لوگر ولایتینینگ رسمیلری، مذکور ولایت کانلر و پترولیم ریاستی باشلیغی اجمل سهاک، کرومیت کانلری ناقانونی شکلده ایشلب چیقاریلیش خصوصیده پاره خورلیککه عیبلنیب قولگه آلینگنیدن خبر بیرهدی. لوگر والیسی سوزلاوچیسی سلیم صالح سلاموطندار بیلن اوتکزگن صحبتیده، جناب سهاک، اوتکن کون کابل ینگی شهریده، مملکت ملی امنیت رسمیلری و باش قارهلاوچیلیک نمایندهسی آرقهلی قولگه آلینگنینی ایتکن.
جناب صالحنینگ کوپهیتیریشیچه، لوگر ولایتی کانلر و پترولیم ریاستی باشلیغی، عدلی و قضایی ادارهلریگه تانیشتیریلهدی.
ایکی هفته آلدین، ملی امنیت ریاستی، ولایتی کینگش و پولیس قومندانلیگیدن تشکیل ایتیلگن کمیته، مذکور ولایت والیسینینگ بویروغی اساسیده، لوگر ولایتی کانلر و پترولیم ریاستیده اداری فساد موجودلیگینی تیکشیریش خصوصیده تعیین ایتیلگن ایدی.
ولایتی کینگش اورین باسری و اوشبو کمیته اعضالریدن بیری عدالت عبدالرحیمزینینگ ایتیشیچه، قولگه کیریتیلگن معلومات، مذکور ریاستده فساد موجودلیگینی تأیید قیلهدی.
ایستهدیک بو توغریده اجمل سهاک و کانلر و پترولیم ریاستی باشقه رسمیلرینینگ نظرینی آلسک، بیراق تکراری سعی و حرکت بیلن مؤفق بولمهدیک.
شونینگدیک لوگر ولایتی عراصی اداره باشلیغی توتقونگه آلینگنی خصوصیده گزارشلر ترقهتیلگن. مذکور ولایت پولیس قومندانلیگی جنایی جرملرگه قرشی کورهشیش مدیری محمدجان عابد، بو توغریده سلاموطندار بیلن اوتکزگن صحبتیده، اوتکن هفته عراصی اداره باشلیغی عبدالاحد پاره خورلیککه عیبلنیب ملی امنیت رسمیلری تامانیدن قولگه آلینگنینی ایتکن.
بوندن آلدین لوگر والیسی محمدحلیم فدایینینگ ایتیشیچه، جمهور رییس غنینینگ بویروغی اساسیده، اوشبو ولایتده کرومیت تاشی قاچاقی و ناقانونی شکلده ایشلب چیقاریلیشی باشقریلگن. جناب فدایینینگ کوپهیتیریشیچه، بوندن ایلگری لوگر کرومیتی قطار کیشیلر تامانیدن ایشلب چیقاریلیب و ناقانونی شکلده باشقه مملکتلرگه صادر ایتیلهدیکن. بیراق جمهور رییس بویروغی باعث، امنیتی کوچلر اوشبو تاش ناقانونی شکلده ایشلب چیقاریلیشی و قاچاقینی باشقرگن.
لوگر والیسینینگ ایسلشیچه، افغانستان حکومتی اینیقسه کانلر و پترولیم وزیرلیگی، لوگردهگی کرومیت کانیدن فایدهلنیش خصوصیده ریجه تیارلگن و اوشبو کان ایشلب چیقاریلیشی کیم آچتی سوداسیگه قوییلهدی.
