جنگری طالبلر اوشبو یولاوچیلرنی جاری هفته (شنبه کون) غزنی ولایتینینگ قرهباغ تومنیگه تیگیشلی مشکان منطقهسیدن اوغیرلهگن ایکن.
غرنی پولیس قومندانی جنرال امانالله امرخیلنینگ سلاموطندارگه ایتیشیچه، مذکور تورت یولاوچی المشتیریشسیز مالستان، جاغوری تومنلرینینگ قوم بویوکلری و غزنی دولتی رسمیلرینینگ سعی و حرکتی نتیجهسیده قوییب یوباریلگن.
شونینگدیک، غزنی ولایتی کینگشیدهگی مالستان خلقینینگ نمایندهسی لطیفه اکبرینینگ اورغولشیچه، اوشبو یولاوچیلر (چهارشنبه کون) کیچ قورون ساعت تورت اطرافیده آزاد ایتیلیب غزنی مرکزیده عایلهلریگه تاپشیریلگن.
خانم اکبرینینگ ایتیشیچه، مذکور کیشیلردن 3 تهسی مالستان تومنی یشاوچیلری و باشقه بیری جاغوری تومنینینگ سنگماشه قیشلاغیدن بولهدی.
اوتگن ییل حوت آیینینگ 4 ده زابل ولایتینینگ شاه جوی تومنیده 31 یولاوچی اوغیرلنگنیدن کیین، ایکی قوشنی ولایت غزنی و زابلده گروگهآلیشلر شدتلندی.
انچه پیت آلدین غزنی ولایتی جاغوری تومنینینگ یشاوچیلریدن اوچ عیال و تورت ایرککنینگ باشی زابل ولایتیده داعش گروهی تامانیدن کیسیلدی. اوشبو واقعه مملکت بویلب یشاوچیلرنینگ، کینگ و قتیق قرشیلیکلریگه روپهره بولدی. مینگلرچه ناراضچی مذکور 7 یولاوچینینگ جسدینی کوتریب، کابل غربیدن جمهورلیک سرایی اونگیگچه ناراضیلیک کورسهتیب کیلگنلر.
