تخار ولایتی دشتقلعه تومنیده امنیتی کوچلر و طالبان جنگریلری آرهسیده بولگن آتیشمه 4 کوندن بویان دوام ایتماقده.
دشتقلعه تومنی یشاوچیلرینینگ ایتیشیچه، امنیتی کوچلر و طالبان جنگریلری آرهسیده صورت تاپگن آتیشمه نتیجهسیده قطار تینچاهالی تلفات کوریب و مینگلرچه عایله آواره بولگنلر.
حقنظر قیشلاغینینگ کینگیتیریش کینگش باشلیغی فتحالله نینگ ایتیشیچه، مذکور قیشلاقدن کمیده 250 عایله جایسیز بولگن. اونینگ ایتیشیچه، آواره بولگنلر رستاق و خواجهغار تومنلریده جایلشگنلر.
فتحالله نینگ کوپهیتیریشیچه، آوارهلرنینگ وضعیتی خواطرلنترووچی دیر، « آوارهلردن بیرقطاری اقاربلرینینگ اویلریگه جایلشگن و باشقه بیرقطاری ایسه ساووق و آزاد فضاده قالگن.»
تخار حاکمینینگ سوزلاوچیسی جواد هجرینینگ ایتیشیچه، حاضرگهقدر 3 مینگ کیشی 11 قیشلاقدن آواره بولگن.
شوتوغریده…
دشتقلعه تومنیده اوروشنینگ دوام تاپگنی باعث، کوکچه اطرافیدهگی تومنلرنینگ قتناو یولی باغلنگن و فرعی یوللر بیلن سفر قیلگن یولاوچیلر، قوراللی کیشیلر تامانیدن تالان قیلینگن.
تخار یشاوچیلرینینگ ایتیشیچه، دارایی و نرسهلری مردمی کوچلر تامانیدن تالان ایتیلگن. اولرنینگ کوپهیتیریشیچه، اوروشنینگ دوام تاپگنی مردمی کوچلرگه اوغیرلاوچیلیک قیلیش زمینهسینی یرهتگن.
تخار ولایتیده ساغلیقنی سقلش ریاستینینگ اعلان قیلیشیچه، حاضرگهقدر 5 تینچاهالی جان بیریب و باشقه 28 کیشی یرهلنگن
