اجراییه ریاستینینگ ایتیشیچه، جمهور رییس غنی و اجراییه باشلیغی عبدالله عبدالله، سیلاولر تیزیمیگه اصلاحات کیلتیریش کمیسیون باشلیغی تعینلنیشیگه کیلیشگنلر. بیراق بیللی ایمس حکومت رهبرلری، کیمنی اوستیگه مذکور کمیسیون باشلیغی صفتیده کیلیشگنلر.
اجراییه ریاستی سوزلاوچیسینینگ اورین باسری جاوید فیصلنینگ سلاموطندارگه ایتیشیچه، جمهور رییس و اجراییه باشلیغی ارا مذکور کیلیشووگه قوشیمچه، سیلاولر تیزیمیگه اصلاحات کیلتیریش کمیسیون اعضاسی اوزگرتیریلگن.
اونگه کوره، حاضر سیلاولر تیزیمیگه اصلاحات کیلتیریش کمیسیونینینگ ایشی کیین قالیشیگه هیچ بیر بهانه قالمهگن. اونینگ کوپهیتیریشیچه، جاری هفته اداغیده بو کمیسیون ایشیگه باشلهیدی.
اوتکن هفته جمهور رییسنینگ حقوقی مصلحتچیسی عبدالعلی محمدی بیر ییغینده، جاری هفته اداغیده سیلاولر تیزیمیگه اصلاحات کیلتیریش کمیسیون ایشی باشله نیشیگه قرار قیلینگنینی ایتکن.
باشقه تماندن، تیفا ادارهسی نینگ باشلیغی نعیم ایوبزاده نینگ سلاموطندارگه ایتیشیچه، سیلاولر تیزیمیگه اصلاحات کیلتیریش کمیسیونینینگ تیزلیکده ایشی باشلهنیشی توغریسیده حکومت وعده بیرگن.
اونگه کوره، حکومت سیلاولر تیزیمیگه اصلاحات کیلتیریش کمیسیونی باشلیغینینگ تعینلنگنینی ایتکن، بیراق آتینی فاش ایتمه گن.
عین حالده، جناب ایوبزاده، سیلاولر تیزیمیگه اصلاحات کیلتیریش کمیسیونینینگ ایشی کیینگه قالگنی توغریسیده خواطربیلدیریب و ملی بیرلیک حکومتینینگ رهبرلری ارا تارتیشوولر اصلی عاملی دییدی.
اونگه کوره، تیفا سیلاولر تیزیمیگه اصلاحات کیلتیریش اوچون حکومتگه بیر لایحه یوبارگن.
بوندن آلدین جمهور رییس غنی پارلمان ایشی تمدید بولیشی توغری سیده بیرگن فرمانیگه ینه بیر آی گچه پارلمان سلاو زمانی بیللی بولیشینی ایتکن ایدی.
بیراق اجراییه ریاست سوزلاوچیسینینگ اورین باسریگه کوره، کوزهتیلگن مدت سیلاولر تیزیمی اصلاحاتی و سیلاو تاریخی تعینلنیشی اوچون کم بولگن و بیر آی ایچیده اصلاحات کیلتیریش ممکن ایمس.
اونگه کوره، سیلاولر تیزیمیگه اصلاحات کیلتیریش کمیسیونی ایشگه باشلمسه، پارلمان سیلاوی اوتکزیلیش تاریخی بیللی بولمهیدی.
سیلاولرگه اصلاحات کیلتیریش کمیسیونینینگ ایجاد ایتیلیشی اشرفغنی و عبدالله عبدالله نینگ اورته سیده تشکیل ایتیلگن ملی بیرلیک حکومتینینگ سیاسی کیلیشووی ایدی.
