.jpg)
قندوز شهرینینگ شمالیده پامیر 1 حربی عملیات نتیجهسیده، 8 قیشلاقدن کمیده 2 مینگ عایله بدرغه بولگن.
قندوز ولایتی کینگشینینگ اعضالری و بدرغهلردن بیرقطارینینگ سلاموطندارگه ایتیشیچه، پامیر 1 عملیاتی یولگه قوییلگنیدن کمیده ایکی هفته اوتهدی و حاضرگچه اوشبو شهرنینگ شمالیدهگی قیشلاقلردن هیچ بیری طالبلردن تازهلنمهگن و بو قیشلاقلردن بدرغه بولگن عایلهلر یمان وضعیتده حیات کیچیرهدیلر.
بیراق، قندوز امنیتی رسمیلرینینگ ایتیشیچه، قوراللی عصیانچیلر اهالی اویلریده یاشینگنی و یوللرده ماین ییرلشتیریلگنی باعث، عملیات تیزلیکده ایلگری کیتمهیدی. رسمیلرگه کوره، قیشلاقلر تیزلیکده عصیانچیلردن تازهلنهدی و بدرغهلر اویلریگه قیتیش اوچون زمینه یرهتیلهدی.
قندوز ولایتیده مهاجرلر ریاستی مسؤوللرینینگ سلاموطندارگه ایتیشیچه، قندوز ولایتینینگ مرکزینی شمالیده یولگه قوییلگن پامیر 1 حربی عملیات باشلنگنیدن بویان کمیده 2 مینگ عایله بدرغه بولگن.
مهاجرلر ریاستی شاشیلینچ حالت آمری محمد یوسف خدامنینگ ایتیشیچه، پنجشیریلر، خواجۀپاک و اتمانزی قیشلاقلرینینگ اهالیسی بوتونلهی قیشلاقلرنی ترک ایتگن و یمان وضعیتده یشهیدیلر.
جناب خدامنینگ کوپهیتیریشیچه، حربی عملیات باشلنگن قیشلاقلرنینگ یشاوچیلریدن کوپینچهسی طالبلرنینگ نظارتیده بولگن گلتپه تومنی و باشقه منطقهلرگه بدرغه بولگنلر و اولرگه یاردم ییتکزیش قیین دیر.
.jpg)
عین حالده، بدرغه بولگن عایلهلردن بیرقطارینینگ ایتیشیچه، اولرنینگ قیشلاقلریده حربی عملیات جدی شکلده دوام ایتماقده و طالبلر اولرنینگ اوستیگه ظلم قیلهدیلر.
بیراق، قندوز حربی رسمیلرینینگ ایتیشیچه، پامیر 1 عملیاتی، سرکلرده ماین ییرلشتیریلگنی و تینچ اهالینینگ تلفاتی آلدی آلینیشی اوچون سُستلیک بیلن ایلگری کیتهدی.
مملکت شمال شرقیده پولیس کوچلری سوزلاوچیسی محفوظالله اکبرینینگ سلاموطندارگه ایتیشیچه، قوراللی طالبلر، تینچ اهالیدن انسانی سپر صفتیده فایدهلنهدی و شوندهی بیر وضعیتده هم امنیتی کوچلر، اوچ قیشلاقنی طالبلردن تازهلگن و بو گروهگه آغیر تلفات ییتکیزگن.
جناب اکبرینینگ کوپهیتیریشیچه، قیشلاقلر تیزلیکده عصیانچیلردن تازهلنهدی و بدرغهلر اویلریگه قیتیش خصوصیده، زمینه یرهتیلهدی.
شونینگدیک، قندوز ولایتی کینگشی باشلیغی امرالدین ولینینگ ایتیشیچه، اوتگن نیچه ییلده حکومت قندوز شهرینینگ شمالی قیشلاقلریده نیچه مرته حربی عملیات یولگه قویگن، بیراق اهالی دربدرلیگی و بدرغه لیگیدن باشقه هیچ بیر قیشلاق قوراللی طالبلردن تازهلنمهگن.
قندوز شمالیده پامیر 1 حربی عملیاتی 10 کوندن بویان دوام ایتماقده و قندوز حوزهیی کسلخانهسیدن بیر منبعنینگ ایتیشیچه، اوشبو عملیاتنینگ بیرینچی 8 کونیده 15 اولیک و 93 یرهدار بو کسلخانهگه آلیب کیلینگن و اولردن کوپینچهسی تینچ اهالی دیر.
اوشبو منبعنینگ کوپهیتیریشیچه، یرهدارلرگه 15 عیال و 7 باله شامل بولگن.
