فاریاب ولایتینینگ قیصار تومنیده طالبان جنگریلری امنیتی کوچلر پوستهلری اوستیگه هجوم قیلگن.
قیصار تومنینینگ ولسوالی حاجی رحمتاللهنی سلاموطندارگه ایتیشیچه، طالبان جنگریلری اوتگن کیچه قیصار تومنیده ارکلیک پوستهلری اوستیگه هجوم قیلیب نتیجهده ملی اردو کوچلریدن 10 تهسی مردمی و ملی پولیس کوچلریدن 8 تهسی هلاک ایتیلگنلر.
قیصار ولسوالیگه کوره، مذکور هجومده امنیتی کوچلردن باشقه 14 تهسی یرهلنگن.
حاجی رحمتالله نینگ کوپهیتیریشیچه، آتیشمه نتیجهسیده طالبان جنگریلریدن 9 تهسی هلاک ایتیلیب و باشقه بیرقطاری یرهلنگن.
امنیتی منبعلردن بیرینینگ کیملیگی سیر قالیشنی ایستهب سلاموطندارگه ایتیشیچه، طالبلرنینگ هجومی نتیجهسیده امنیتی کوچلرنینگ ایکی هاموی تانگی تخریب ایتیلگن.
209 شاهین قول اردو قومندانلیگینی بیرینچی پیاده لواسینینگ مطبوعاتی مسوولی احمدجواد، بو توغریده معلومات بیریشدن باش کوتارگن.
عینحالده، طالبان گروهینینگ بیر خبرنامه آرقهلی ایتیشیچه، اوتگن کیچه صورت تاپکن اوروش نتیجهسیده امنیتی کوچلردن 39 تهسی هلاک ایتیلیب و یرهلنگنلر.
