افغانستان امنیتی کوچلری پکتیکانینگ برمل تومنیده بیردینی مدرسهنی آلیش اوچون، پاکستان امنیتی کوچلری بیلن توقنشگن.
پکتیکا ولایت رسمیلرینینگ ایتیشیچه، مذکور دینی مدرسه برمل تومنی «اده انگور» چیگرهیی منطقهسیده بولیب، حقانی ترماغیگه تیگیشلی ایکن.
شرقی زون 403 چیگره کوچلری قوماندانی عبدالبصیر خپلواک نینگ سلام وطندارگه ایتیشیچه، اوتکن سهشنبه کونی پاکستان امنیتی کوچلری مذکور دینی مدرسه اوستیده حربی قرارگاه تاسیس قیلیشگه اولگورگن. بیراق مملکت امنیت کوچلری اولرنینگ اوستیگه هجوم اویوشتیریب قرارگاه قوریشلری اوچون رخصت بیرمهگن.
جناب خپلواک نینگ کوپهیتیریشیچه، بو توقنهشووده ایکی تامانگه تلفات ییتگن؛ بیراق حاضرگچه تلفات سانی بیللی ایمس.
بیراق، پکتیکا والیسی اورین باسری عطاالله فضلینینگ سلام وطندار بیلن تلیفونی سوزلهشیب ایتیشیچه، بو توقنهشووده پاکستان امنیت کوچلریدن 7 کیشی و افغانستان امنیت کوچلریدن بیرکیشی هلاک بولگن.
افغانستان چیگره پولیس عسکرلرینینگ ایتیشیچه، مذکور مدرسه طالبلر زمانیده افغانستانگه تیگیشلی ایدی، بیراق سونگی پیتلرده پاکستان امنیت کوچلری ایلگری کیلیب اونی اوز تصروفیگه آلگن.
اولرنینگ کوپهیتیریشیچه، پاکستانلیکلر نیچه مرته بو مدرسه اوستیگه حربی قرارگاه قوریش اوچون سعی و حرکت قیلگن، لیکن بیزلرنینگ کوچلریمیز، پاکستانلیکلرنینگ بو ایشیگه توسیق بولگن.
پکتیکا نینگ برمل تومنی پاکستان بیلن چیگرهداش بولگن و ایریم پیتلرده افغانستان و پاکستان امنیت کوچلری اورتهسیده بعضی بیر بهانهلر باعث توقنهشوو یوزبیرهدی.
