امیریکهلیک عاموی اخبارات واسطه« اگزامینر »نینگ گزارش قیلیشیچه، افغانستان امنیتی کوچلریگه قره شلی معلوماتلر باره سیده سیر و یاشیرون قرار آلیش، بو مملکت ملی کوچلرینینگ سانی آزه یشیگه باعث بولگن. مذکور مدیانینگ امیریکه مدافعه وزیرلیگینینگ 2014- ییل اکتبر آییده تیارلهگن گزارشده اوتگن "مالی ییلده " 30 مینگ عسکر ملی اردو صفیدن قاچگنی بیلدیریلگن.
افغانستان اوچون امیریکه قوشمه ایالتلرینینگ مخصوص تیکشیرو اداره سی (سیگار) اوتگن هفته ترقتگن حساباتیده امیریکه مدافعه همده تشقی ایشلر وزیرلیکلرینینگ بلند مرتبهلی رسمیلری افغانستان امنیتی کوچلریگه قرهشلی ایریم معلوماتلرنی دسته بندلیک قیلیب سیر سقله گنلیگینی بیلدیرگن ایدی. بو گزارشدن کیین، امیریکه اوشبو معلوماتلر سیگار اداره سی اختیاریگه قوییلیشینی معلوم قیلدی.
گزارشده کیلیشیچه، افغانستان ملی اردوسینینگ حاضرگی تشکیلی 165منیگ کیشیدن عبارت. بو ایسه نظرده توتیلگن میزاندن انچه کم بولگنی ایتیلهدی. شونینگ دیک گزارشده ملی اردو صفیدن قاچیش افغانستان ملی اردوسی نینگ آلغه کیتمسلیگی اوچون بیرینچی توسیق بولگنی قید ایتیلگن.
امریکا مدافعه وزیرلیگی نینگ گزارشیده افغانستان ملی مدافعه وزیرلیگیده مالی امکانیت همده انسانی قابلیت بولمه گنلیگی حقیده جدی تشویش بیلدیریلگن. افغان ملی کوچلری صفیگه عسکر آلیش باشقه قیین چیلیکلردن بیری سنلهدی.
افغانستانده آیساف نینگ عمومی قوماندانی جنرال جوزف اندرسنگه اساسلب یازیلگن گزارشده، 2014- ییل اکتوبر آییگه قدر ملی اردو ترکیبیده 20 فایز منصبدار کیشیلرنینگ اورنی بوش بولگنلیگی بیلدیریلگن.
فرانسه لیک اوشبو جنرال گه کوره: « عسکر بولیش و قیتهدن قاچیش هیچ بیر زمان بیر بیراویگه ماس کیلمیدی و بو اورینده تلفاتنی هم اونوتمسلیگیمیز کیرهک» اونینگ ایتیشیچه، 2014- ییل باشیدن اکتوبر آییگه قدر ملی پولیس و ملی اردو عسکرلری تلفات سانی 5000 مینگ کیشی بولگن.
افغانستان ملی مدافعه وزیرلیگی نینگ سوزچیسی ظاهر عظیمی، 2014- ییل 21– اکتوبرده قویاش 1382- ییلدن 1383- ییل بیرینچی آلتی آییگه قدر، افغان ملی کوچلری جنگریلرگه قرشی اوروش ده 853حربی سی هلاک بولگن لیکلرینی ایتگن ایدی.
سلام وطندارگه صحبت قیلگن ملی مدافعه وزیرلیگی سوزچیسی نینگ اورین باسری دولت وزیری، 2013- ییلدن کوره 2014- ییلده ملی کوچلر تلفات سانی آشگنلیگینی تصدیقله گن. اونگه کوره، ملی کوچلری تلفات میزانی آشگن لیگیگه بیرینچی دلیل هم خوفسیزلیک مسؤولیتلر چیت ایللیک حربیلردن افغان ملی کوچلریگه تاپشیریلگنلیگی باعث بولگن. اما، 2014- ییلده ملی کوچلر تلفاتی حقیده هنوز هم معین رقم قولده ایمس.
شونینگ دیک جنرال اندرس هم افغانستان امنیتی کوچلرینی «مهارت همده قابلیت سیز» دییه بیلدیرگن. اوشبو جنرال افغان ملی کوچلری امیریکه دولتی تامانیدن بیریلگن حربی جهازلرنی سقلش قابلیتیگه ایگه بولمه گنلیک لرینی ادعا قیلگن.
عین حالده، افغانستان دولتی نینگ یوقاری مرتبهلی رسمیلری، سونگی ایکّی ییل جریانیده افغان ملی کوچلری نینگ حربی قابلیتی آشگنلیگینی ایتیب کیلهدیلر. رسمیلر، هر دایم افغان ملی کوچلری زمانوی حربی هوا کوچلریگه ایگه بولمه گنلیگی توغریسیده شکایت قیلییب کیلیشلری هم همه اوچون معلوم.
