.JPG)
قندوز ولایتی ینه بیر بار دولت قوراللی مخالفلری نظارتیگه اوتیشی امنیتی ادارهلر رهبریتی ضعیف لیگیدن کیلیب چیقهدی دیگن قطار حربی تحلیلچیلر.
حربی تحلیلچی عمر عیار سلاموطندار ترماغیگه بیرگن صحبتده، بروکسل ییغینی عرفهسیده قندوز ولایتی جنگری طالبلر اشغالیگه اوتیشی دنیا جماعه چیلیگیگه افغانستان حکومتی یشاووچیلر امنیتینی تامین قیله آلمسلیک پیامینی بیرهدی دیگن.
جناب عیار، قندوز ولایتیده دییرلی ملی کوچلر موجودلیگیگه قرهمی، بو ولایت ینه بیر بار جنگریلر کنترولیگه اوتیشی خوفسیزلیک ادارهلرنینگ مدیریتسیزلیگیدن کیلیب چیقهدی دیدی. مملکتنینگ ینه بیر حربی تحلیلچیسی میرزا محمد یارمند، ولایتدهگی افغان حربیلری قندوز مرکزیگه اونچهلیک اعتبار بیرمی بوتون دقتلری تومنلر امنیتی تامین بولیشگه قرهتیلگنی سبب قندوز شهری قیتهدن عصیانچیلر تصروفیگه اوتیشی اوچون امکان یرهتگن دیگن.
جناب یارمندنینگ سوزلریگه کوره، حکومت قوراللی طالبلرنی قندوز ولایتیده نابود ایتیش نیتده بولگن حالده، دستلب بو حرکت ایلدیزی خلق ایچیده قوریتیلیشی لازم.
اما، باشقه بیر حربی ایش بیلرمان عتیقالله امرخیل، افغان ملی کوچلری طالبلر حرکتیدن خبرسیز قالگن لیگی عاقبتیده شهر ینه بیر مرته دولت قوراللی مخالفلری اختیاریگه اوتیشی باعث بولگنینی تیلگه آلگن.
.jpg)
او، افغان ملی کوچلری شهر اطرافیدهگی جنگریلرنی آرتگه اوریب نابود قیلیش اورینیده کوپراق تومنلرده عملیات اوتکزیش بیلن بند بولگنلیگی بوندهی یامان عاقبتلرنی آلیب کیلهدی دیگن. بونگه قرهمی، هنوز هم ولایت مرکزیده دولت قوراللی مخالفلری بیلن افغان ملی کوچلری اورتهسیده اوروش جریانی بارلیگی تیلگه آلینهدی.
ولایتدهگی امنیتی مسووللر، جنگری طالبلر آرتگه اوریلگنلیگینی بیلدیرگنلر. افغانستان ایچکی ایشلر وزیرلیگی نینگ سوزلاوچیسی صدیق صدیقی نینگ بوگون خبری بیر انجمنده، قندوز شهریده عملیات دوامی بارلیگینی اظهار قیلگن.
اونگه کوره، هنوزگچه بیرینچی، ایکینچی و اوچینچی ناحیهلر بوتونلی جنگریلردن تازله لنگن.
قندوز شهری اوتگن کون کیچکی وقت جنگری طالبلر اشغالیگه اوتدی؛ اما امنیتی مسووللر، قوراللی طالبلرنی قیته شهردن چیقاریب، اولرگه آغیر تلفات ییتکزگن لیگلرینی ادعا قیلگنلر.
