پاکستاننینگ افغانستاندهگی ایلچیسی ابرار حسین، پاکستان نینگ افغانستانده گی یکونلنتیریلمهگن رواجلهنیش برنامهلری قیته باشلنهدی دیگن.
سه شنبه کونی کابل ده چیگرهلر زویری بیلن اوچرگن جناب حسیننینگ ایتیشیچه، پاکستان، افغانستانده گی یکونلنتیریلمهگن کینگیتیریش برنامهلرینی ینه نیچه کون ایچیده قیته باشلهیدی.
جناب حسینگه کوره، رحمان بابا لیسهسی و اوشبو مکتب نینگ یاتاقخانهسی نی قوریش پاکستاننینگ افغانستاندهگی اصلی لایحهلریدن سنلهدی.
بیراق، حاضرگه قدر بو لایحهلر ایشی یکونلنمهگن. تورخم- جلال آباد عمومی یولینی اسفالتلب قیته قوریش مسوولیتینی پاکستان اوز ذمهسیگه آلگن. اما بو پروژه هم هنوزگچه تکمیل ایتیلمی قالگن.
پاکستاننینگ افغانستاندهگی ایلچیسی، جلالآباد ده کسلخانهسی، تورخم- جلالآباد یولینی اسفالتلش و لوگر ولایتیده نایبامین کسلخانهسینی ایشی قیتهدن باشلهنیشی پاکستاننی قیلهجک ایشلریدن دیگن.
شونینگدیک چیگرهلر وزیری محمدگلاب منگلنینگ ایتیشیچه، رحمان بابا لیسهسی نینگ ایشی 90 فایز یکونلنگن. او پاکستان ایلچیسیدن مذکور لایحه تیزلیکده یکونلنتیریلیشینی سورهگن.
جناب منگل، شونینگدیک باشقه بولیملرده هم کابل – اسلامآباد علاقهسی یخشیلهنیشی سورهگن.
چیگرهلر وزیری، ایکّی مملکت بویوکلری و یاشلر ارا علاقهلر مستحکم لهنیشی و پاکستان افغانستان سپورت ساحهسیده رابطهلر آلدیندن کوره کوپراق کینگیتیریلیشی بارهسیده تاکیدلهگن.
بوندن آلدین هم پاکستان اقتصادی بولیمی نینگ بیرقطار نمایندهلری، افغانستاندهگی ناتمام پروژهلر قیته باشلهنیشی خصوصیده وعده بیرگن ایدی.
شونینگدیک نیچه وقت آلدین پاکستان ایلچیسی، مملکتی، افغانستان شمالیده سرمایه یاتقیزیش اوچون قیزیقیش کورستگنیدن سوز بیرگن ایدی.
آلدین افغانستان و پاکستان اورتهسیدهگی سیاسی قرهمه قرشیلیکلر رسمی کابل بیلن اسلام آبادنی علاقهسی سُستلهشیشیگه باعث بولگن ایدی.
پاکستان رسمیلری افغانستان سوداگرلریگه همکارلیک وعدهسینی بیرگنی ایتیلهدی.
بیراق افغانستانلیک ملی سوداگرلر هردایم پاکستان رسمیلری نینگ سوداگرلیک ساحهسیده صداقت کورستمهگن لیکده عیب لیدیلر.
