جوزجان ولایتی نینگ امنیتی ادارهلر بلند مرتبهلی رسمیلری، جاری ییل بهار موسومیده تینچلیک لایحهسیگه قوشیلگن طالبلر چهارشنبهدن پنجشنبهگه اوترکیچهسی چیگرهنینگ 7 پولیسی داخل بیر ساتنمننی شبرغان – سرپل عمومی یولیدهگی توفان قرارگاهیدن آلیب کیتگنینی خبر قیلدیلر.
ولایت پولیس قوماندانلیگی نینگ خوفسیزلیک آمری عبدالحفیظ خاشع، جاری ییل جوزا آییده ادارهسیده بولگن کیشیلری بیلن تینچلیک لایحهسیگه قوشیلگن ملاطاهر دولت رسمیلری تامانیدن مذکور پوسته نینگ قوماندانی ایتیب تعیین لنگن ایدی دیگن. ملاطاهر کیچه اون بیش نفری بیلن 8 پولیسنی زوردن قوراللی طالبلر صفیگه آلیب کیتگن دیدی جناب خاشع.
طالبان حرکتی نینگ مهم قوماندانلریدن بولمیش میردل نینگ اوغلی ملاطاهر، جوزجان ولایتی نینگ دشتلیلی و فاریاب ولایتی شیرین تگاب تومنی نینگ آستانه بابا منطقهسیده فعالیت قیلیب کیلگن. او، شمالی ولایتلرده جمهور رییس نینگ بیرینچی اورین باسری جنرال دوستم رهبرلیگیده اوتکزیلگن حربی تازهلش عملیات نتیجهسیده بیر قنچه نفری بیلن تینچلیک لایحهسیگه قوشیلگن ایدی.
تینچلیک لایحهسیگه قوشیلگن دولت قوراللی مخالفلری حکومت نینگ بار امتیازیدن فایدهلهنیب قیتهدن جنگریلر صفیگه قوشیلگنینی بیرینچی مرته ایمس البته. بوندن آلدین هم تینچلیک لایحهسیگه قوشیلگن جنگری طالبلر دولت حربی امکانیتیدن فایدهلهنیب ملی کوچلرنی اولدیرگندن کیین طالبان صفیگه اوتگن ایدی.
