بدخشان ولایت اورین باسری گلمحمد بیدارنینگ سلاموطندار بیلن تیلفونی سوزلهشیب ایتیشیچه، ولایت ایریم تومنلریده اوتگن کوندن باشلهب، امنیتی کوچلر بیلن طالبلر ارا اورش شدت بیلن دوامی بار.
اوتگن کون امنیتی مسؤوللر مذکور ولایتده طالبلرنی نابود ایتیش عملیات و اردو کوچلرینینگ انتقامینی آلیش اوچون حربی عملیات باشلهنیشینی اعلام قیلگن ایدی. اعلامیهگه کوره، مذکور عملیاتلر رهبرلیگی، اردو ستادینینگ اورین باسری جنرال مراد علی مراد عهده سیگه ایکن.
شونینگدیک بدخشان ولایت اورین باسریگه کوره، ولایت ایریم منطقه سیده طالبلر امنیتی کوچلر محاصرهسیگه قالگن. جناب بیدارگه کوره، عملیاتلر دوامیده جنگریلرگه قرشی تلفات ایتکیزیلگن، اما تلفات سانی انیقلنتیرمه گن.
بیدار ایتیشیچه، مذکور عملیاتلرده امنیتی کوچلرنی حمایت ایتیش اوچون ایکی اوچقیچ هوادن طالبلر محله سینی هدف آلگن.
بدخشان ولایت اورین باسرینینگ کوپهیتیریشیچه، عملیات یوتوقلربیلن بولیب، امنیتی کوچلر پاکلش عملیاتی یخشیلیک بیلن آلغه بارهدی.
کندوزدهگی توقنه شولر
ینه بیرتاماندن کندوز محلی رسمیلریگه کوره، مذکور ولایتدهگی سونگی ایکی کونگی توقنه شولرده جنگری طالبلردن 43 کیشی هلاک بولگن.
کندوز والی سینینگ سوزلاوچیسی عبدالواسع باسلنینگ سلاموطندارگه ایتیشیچه، ولایت گلتیپه تومنیده 27 جنگری طالب سونگی ایکی کونگی توقنه شولرده هلاک بولگن.
جناب باسلگه کوره، جنگری طالبلرنی اوتگن کیچهگی قلعه زال تومنینینگ امنیتی پوستهلریگه هجوم ایلتیشلری بیلن باشقه 16 جنگری طالب هلاک بولگن.
کندوز ولایت سوزلاوچی سینینگ کوپهیتیریشیچه، مذکور ولایت گلتیپه تومنیده امنیتی کوچلر بیلن قورالی طالبلر ارا توقنه شولر دوامی بار.
جناب باسلگه کوره، محل یشاوچیلریگه آسیب ایتمهسین دیگن نیتده اوتگن کیچه امنیتی کوچلر مصلحتی کیین کیتر قیلگن ایدی؛ اما بوگون مذکور ولسواللیککه تهاجمی یورشلرینی قیتهدن باشلهگن. کندوز ولایت سوزلاوچیسینینگ ایتشیچه، گلتیپه تومنینینگ برچه محله سیده ویژه کوچلر واسطهسی بیلن یوکسک عملیات اوتکزیلیشی کوزه تیلگن.
جمعه کونی4- ثوردن باشلب طالبلر کوپلب ولایتلرده تهاجمی یوروشلرنی شدت بیرگن ایدی. موندن آلدین مذکور گروه عزم ناملی بهاری عملیاتلرینی جمعه کونیدن بویان باشلشلرینی اعلام قیلگن ایدی.
