اولکه اساسی قانونی نینگ 154- مادهسیده قرهتیب، حکومت رسمیلری نینگ دارایلری باید ثبت بولسه ایدی، اما جمهور رییس نینگ دارایلریدن کته قسمی تشقی اولکهلرده بولگنلیگی سبب کیینگه توشدی.
قانونگه قرهگنده، جمهور رییس، اورین باسرلری، وزیرلر، ستره محکمه و باشقرلاوچیلیک اداره سی ایش خدمتیدن آلدین و کیین اداری فسادگه قرشی کورهشیش ادارهسیگه ثبت بولیشی لازم.
2012- ییلده بولیب اوتگن توکیو اولتیریشیده، جهانی جامعه سیگه افغانستان حکومتی تامانیدن بیریلگن وعدهلریدن بولمیش، یخشی حکومتدارلیک، قانون حاکمیتی، بشرحقلری و اداری فسادگه قرشی کوره شیشلر ایدی و اوشبو اولتیریشده جهانی جامعه سیگه بیریلگن وعدهلردن بیری حکومت رسمیلری نینگ دارایسی ثبت بولیشی ایدی.
فسادگه قرشی کورهشه دیگن عالی اداری، جمهور رییس نینگ دارایلرینی ثبت قیلیشدن قاچیشینی قانونگه قرشی حرکت دیب بیلهدی. اداری فسادگه قرشی کورهشیش اداره باشلیغی رحیمالله رحیمی نینگ سلاموطندارگه ایتشیچه، جمهور رییس نینگ دارایلری ثبت بولیشی باشقه دولت رسمیلری نینگ سرمایهلرینی ثبت قیلیشگه تشویق قیلهدی.
اما جمهور رییس نینگ سوزلاوچیسی اورین باسری سیدظفر هاشمی نینگ سلاموطندارگه ایتیشیچه، باشقه هرکیمدن کوره جایدادلرینی مسؤول نهادلرگه ثبت قیلیشگه قیزیقهدی، اما جمهور رییس نینگ دارایلرینی افغانی پولیگه بهالهنیشی بیراز وقت آله دیب دیب تأکید قیلهدی و جناب غنی تیزلیکده دارایلرینی کیلتیریشگه اولگورگن دیب کوپه یتیرهدی.
افغانستان شفافیتنی کوزه توچی ادارهسیگه کوره، حاضرگه قدر سابق جمهور رییس حامد کرزی، ایکینی اورین باسری کریم خلیلی، عامه فواید وزیری نجیبالله اوژن، ترانسپورت و هوا قونالغه وزیری داوودعلی نجفی، سابق حکومت دوره سیده کیلردن و تشقی ایشلر وزیری صلاحالدین ربانی، کانلر وزیری داوودشاه صبا، ایچکی ایشلر وزیری نورالحق علومی، حج و اوقاف وزیری فیضمحمد عثمانی و قاچقینلر وزیری سیدحسین عالمی بلخی ملی بیرلیک حکومت رسمیلریدن بولیب اوز دارایلرینی ثبت قیلگن ایکنلر.
حاضرگه قدر، اداری فسادگه قرشی کورهشه دیگن اداره حکومت رسمیلری نینگ دارایلرینی ثبت قیلیش اوچون 6 مینگ فورمه ترقتگن و حکومت یوقاری رتبه لیک رسمیلری هرییل اداغیده اوز دارایلرینی ثبت قیلیشگه مکلفلیگی بیلدیریلگن.
