کنر ولایتی وتیپور تومنی نینگ یشاووچیلری، قوراللی شخصلر نیچه وقتدن بیری دولت ملازملری 200 مینگ کلدار و بیرته قورال ساتیب آلیب بیریشلری کیرهک لیگی بارهسیده آگاهلنتیرگن دیدیلر.
هنوزگچه بو شخصلرنینگ کیم لیگی انیق لنمهگن. ایریم کیشیلر بولر داعش جنگریلری ایکن لیگینی ایتگنلر و بعضیلر ایسه بو قوراللی شخصلر طالبان اعضالری دیدیلر. منطقه ده ییرلشگن ملی کوچلر اعضاسی عبدالصمد و عباس بو منطقه نینگ یشاوچیسی.
بولر ولایت نینگ اسد آباد تومنیگه آواره بولگنلر. نا معلوم شخصلر 200 مینگ کالدار و بیرته قورال بیرمه گن حالده، اولیم تهدیدی بیلن آگاهلنتیرگنلر.
کنر یشاووچیلریگه کوره، هنوزگچه اونلب خانهدان وتپور تومنینی ترک قیلیب باشقه ییرلرگه آواره بولگنلر.
امنیتی رسمیلر قوراللی شخصلرنینگ آگاهلنتیرگن لیگینی تصدیقلب، اوشبو شخصلرنی نابود قیلیش اوچون برنامهلری بار ایکن لیگینی بیلدیرگنلر.
کنر پولیس قوماندانی جمعهگل همت، تیز آره ده حربی تازهلش عملیات اوتکزیشلر بارهسیده خبر بیرگن. مذکور ولایتده هنوزگچه 2مینگ داعش جنگریسی فعالیت قیلیشی ایتیلهدی.
