کنر ولایتینینگ امنیتی محلی بلند مرتبهلی رسمیلری، پاکستان حربیلری آرقهلی هنوز هم مملکتنینگ کنر ولایتی دانگام تومنی راکت هجومی آستیگه آلیش دوامی بارلیگینی ایتگنلر. سهشبنهدن چهارشنبهگه اوترکیچهسیدن ایرتلبگه قدر 43 موشک آتیلگن.
کنر پولیس قوماندانلیگینینگ مطبوعات ادارهسی مسوولی فرید دهقاننینگ سوزلریگه کوره، مذکور موشکلر «خاره، دنده، سیاندره و گوریگای» منطقهلریگه توشیب پارتلهگن.
جناب دهقان هنوزگچه پارتلشلر تلفاتی حقیده انیق معلومات بیریلمهگن.
عین حالده، دانگام تومنینینگ ولسوالی عنایتالله، اوتگن ایکّی کونده ایچیده پاکستان تامانیدن افغانستان توپراغیگه 114 راکت آتیلگن دیگن.
اوتگن کون (سهشنبه) سلاموطندارگه ایتگن عنایتالله پاکستانگه قرهشلی اوچاقلر هم افغانستان هوا فضاسیگه اوتگنلیگینی ادعا قیلگن. او، اوشبو اوچاقلر «لیتی کندو، دند و گوریگا» منطقهلرینی هجوم آستیگه آلگن دیگن. ایتیلیشیچه، نتیجهده بیر عیال قربان بولگن.
پاکستان چیگرهسیده جایلشگن دانگام تومنی هر دایم پاکستاننینگ کوتیلمهگن راکتلریگه میزبانلیک قیلهدی. اوتگن ییللرده هم مذکور تومن چیگره نریاغیدن آتیلگن مینگلب راکتنینگ گواهی بولگن.
