بغلان ولایتی جلگه تومن محلی مسئوللری نینگ ایتیشلریچه، تخار ولایتی نینگ ورسج تومن پولیس قومندانی محمدافضل حکیمی 3 قورقچیسی بیلن طالبان آرقلی بو تومن اطرافیده اوققه توتیب اولدیریلگن.
جلگه تومن ولسوالی فضلالدین مرادی اوشبو خبرنی تصدیقلب سلاموطندارگه ایتیشیچه، مذکور حادثه بوگون (جمعه 24- عقرب) ایرتهلب جناب حکیمی اوییدن تخار ولایتی تامان کیتهدیگن بیرچاغده اوشبو تومن نینگ کوتل پلفی منطقهسیده یوزبیرگن.
جلگه تومن ولسوالی گه کوره، شونینگدیک طالبان ورسج پولیس قومندانی نینگ حربی جهازلرینی آلیب و اونینگ موتری نی اوت بیرگن.
محمدافضل حکیمی بغلان ولایتی نینگ تانیقلی جهادی سیمالریدن سنلهدی ایدی. او نیچه ییل امنیتی کوچلر صفیده ایش قیلگندن کیین، سونگی پیتلرده ورسج تومن پولیس قومندانی صفتیده تعیین ایتیلگن ایدی.
تخار و بغلان خوفسیزلیک مسئوللری حاضرگچه بو توغریده فکر بیلدیرمهگن.
شونینگدیک طالبان حاضرگچه بو توغریده هیچ بیر نرسه دیمهگن.
شو توغریده:
