تورکی قوی ماللرنینگ نسلی افغانستان شمالشرقی جملهدن بدخشان، تخار، قندوز، بغلان، پروان و کاپیسا ولایتلریده کوپیماقده.
تخار ولایتی قاره ماللر متخصصلریگه کوره، تورکی قویلرنی افغانستان شمالیده سقلش و پرورش قیلیش آسان دیر.
قاره ماللر متخصصی محمدشریف نینگ سلاموطندارگه ایتیشیچه، بو نسواری تور قاره ماللرنی آلیش اوچون قیزیقیش کوپراق. او، بوندهی تورکی قاره ماللر تیز سیمریدی و کوپراق هم ساتیلهدی دیدی.
تورکی قاره ماللر بارهسیده تخارلیک چاروالرنینگ فرقلی قرهشلری بار. چاروالر مالی لحاظدن اوشبو قاره ماللر فایدهلی دیر، اما مذکور قاره ماللرنی باقیش قیین دیر.
تورکی و وطنی قویلرنینگ بیرینچی بوندن عبارت، وطنی قویلر ایسه کوندوز تاماندن اوتلب کیچه یاتهدی، اما تورکی قویلر ایسه کوندوز یاتیب، کیچه اوتلیدی. چاروالرگه کوره، انه شو باعث چوپانلر کیچه یاتمسدن مذکور قویلرنی اوتلاقده باقیشی لازم.
سمان، کنجاره و باشقه اوسیملیکلر مذکور قویلرنینگ اساسی آوقتی دیر، چوپانلر بو قبل قویلرنی باقیش ییریک هزینه طلب قیلهدی.
شونینگدیک بو قویلرنی صفتلی گوشتی بار و مالی ارزشگه هم ایگه. مالدارلرگه کوره، وطنی قویلر اوچ یا – ده بیش سیر کوشت بیرگنده، تورکی قویلر ایسه اون- اون بیش سیر گوشت حاصل بیرهدی.
چاروالر ولایت چارواچیلیک ادارهسیدن تورکی قویلرنی سقلش اوچون همکارلیک قیلیشنی سورهگن.
عین حالده، تخار ایکینچیلیک و چاروادارلیک ادارهسینینگ رییسی داکتر هدیت نینگ سوزلریگه کوره، هنوز گچه هم تورکی قویلرنی سقلب باقیش اوچون افغانستان ایکینچیلیک و چاروادارلیک وزیرلیگی تامانیدن مخصوص برنامه قولگه آلینمهگن. اما، بوندهی قویلرنی دارولهنیشی اوچون ولسواللیکلرده امکانیت موجود.
تخار ایکینچیلیک و چاروادارلیک ریاستینینگ مسؤوللری، شمال اهالیسی تورکی قویلرنی باقیب سقلشگه قیزیقهدی و باشقه تاماندن مذکور ولایتلرده بو قبیل قویلرنی سقلش اوچون مناسب شرایط موجود دیگنلر.
