ننگرهارده زنبوردارلر جمغرمهسی مسووللری، مذکور ولایتده عسل ایشلب چیقاریش و زنبوردارلیک ایشی یخشی بولگنیدن خبر بیرهدی. مذکور ولایتده عسل ایشلب چیقاریش و زنبودارلیک جمغرمهسی مسووللرینینگ ایتیشیچه، بو ولایتده زنبوردارلیککه قولیلیک ایجاد ایتیش اوچون سعی و حرکت قیلهدیلر.
ننگرهار ولایتی زنبور دارلیک جمغرمهسی و عسل ایشلب چیقاریش ایشخانه باشلیغی ریاض محمد رودوالنینگ سلاموطندارگه ایتیشیچه، مذکور ولایتده عسل زنبور سقلش توغریسیده یخشی اوزگریشلر یوزبیرگن.
جناب رودوالنینگ کوپهیتیریشیچه، ننگرهارده 200 زنبوردارلیک فارمی موجود و اولر، زنبورچیلر اوچون زنبور سقلشگه زمینه یرهتهدیلر.
رودوالنینگ کوپهیتیریشیچه، زنبوردارلر بیرلیگی، زنبور سقلشگه زمینه یرهتیب و زنبوردارلرگه یاردم بیرهدیلر.
اونگه کوره، بو جمغرمهنی 220 اعضاسی بار و زنبوردارلرگه عسل ساتیش خصوصیده یاردم بیرهدیلر.
ننگرهار یشاووچیسی عبدالمجیدنینگ سلاموطندارگه ایتیشیچه، 20 ییلدن بویان زنبور عسلی سقلهیدی.
اونینگ کوپهیتیریشیچه، حاضر «باریک آب» منطقهسیده 60 فارمی بار و ایشیدنهم راضی دیر. اونینگ ایتیشیچه، زنبورلرینی کوکلم و کوز موسومیده ننگرهارده سقلهیدی و باشقه ایکی موسومده ساووق منطقهلرگه انتقال بیرهدی.
شرق حوزهسی اریچیلر جمغرمهسی باشلیغینینگ ایتیشیچه، چیچک و اورمان یوقلیگی باعث، زنبوردارلر، زنبورلرینی پاکستانگه انتقال بیرگن. چونکه پاکستانده «بیر» و «شرشم» درختلری چیچکی کوپ دیر و عسل زنبورلری اوچون یخشی منبع بوله آلهدی.
اونینگ کوپهیتیریشیچه، اولر بو قیینچیلیکلرنی ایکینچیلیک وزیرلیگی رسمیلری بیلن شریک قیلگن و شونینگدیک، مذکور ولایتده عسل زنبوری یوکسلیشی خصوصیده، ساخته اورمان توزهلیشینی تکلیف قیلگنلر.
ننگرهارده عسل زنبور جمغرمه باشلیغینینگ ایتیشیچه، بو قیینچیلیکلر یانیده، ناتینچلیکلرهم زنبورلر اوستیگه سلبی تاثیر تشلهیدی.
ننگرهارده عسل ایشلب چیقاریش ایشخانهسی مملکتده بیرینچی ایشخانه بولیب، کوکلم موسومیده کوپینچه ولایتلردن عسل توپلب و تازهلگنیدن کیین، بازارگه ترقهتیلهدی.
ننگرهار ولایتی عسل ساتووچیلریدن بیری شفیعالله ساپینینگ ایتیشیچه، بو ایشخانه توزهلگنیدن بویان وطنی عسل بازاری یخشی بولگن.
ننگرهارده ایشلب چیقاریلهدیگن عسل یالغیز ایچکریده قالمهی بلکیم، تشقی کورگزمهلرده نمایشگه قوییلگن.
عین حالده، ننگرهار ولایتی، ایکینچیلیک و چاروارادلیک ریاستی زنبوردارلیک مدیری محمد اسماعیلنینگ ایتیشیچه، ننگرهار ولایتیده 220 زنبوردارلیک موجود، اولر ایریم پیتلرده زنبوردارلیکلرنی کوریب و زنبوردارلرگه مصلحت بیرهدیلر.
اونینگ زنبوردارلیک اهمیتی توغریسیده ایتیشیچه، بو ایش، زنبوردارلیک اسکونهلرینی ساتیش شامل، اونلرچه عایلهنی ایش جایلری بیلن تامین لهگن دیگن.
