نمایندهلر مجلسینینگ تشقی علاقهلر کمیسیون اعضاسی عبدالقادر زازی سلام وطندارگه، اوشبو کمیسیوننینگ دستلبکی آلیب بارگن تیکشیروولریده اون آلتی نامزد وزیردن اوچهسی ایکّی وطنداشلیک بولگنی انیق لنگن لیگینی ایتگن.
بیرار شخص نامینی تیلگه آلمهگن پارلمان تشقی علاقهلر کمیسیونینینگ مذکور اعضاسیگه کوره، اوشبو اوچ نامزد وزیردن فقط بیرتهسی ایکّی وطنداش لیگینی ترک قیلیب حجتینی کمیسیونگه تاپشیرگن. نمایندهلر مجلسی نینگ معارف، عالی تحصیلات، مدنیت و دین ایشلری بوییچه کمیسیون اعضاسی حمیرا ایوبینینگ سلام وطندارگه بیلدیریشیچه، مذکور کمیسیون بوگوندن باشلب حجتلرنی تیکشیریشگه اولگورگن.
او، مجلس بو خصوصده حکومتگه رسمی خط یوللگن، بو توغریده حکومت جواب قیترگندن سونگ ایکّی وطنداشلیک اوچ نامزد نینگ اسمی فاش ایتیلهدی. جناب زازی، دستلبکی تیکشیروولردن کیین، نامزد وزیرلرنینگ ایکّی وطنداش لیگینی تیکشیریش همده اولرنی تحصیل درجهلری انیق لهنیشی اوچون مخصوص کمیسیون تشکیل ایتیلیشیدن خبر بیرگن.
افغانستان ملی مجلسی حکومت آرقهلی نامزد وزیرلر تَنیشتیریلمسدن آلدین بیر مصوبه ایشلیب چیقیب، مذکور مصوبهگه موافق ایکّی وطنداشلیک هیچ بیر نامزدگه ایجابی آواز بیریلمس لیگی قید ایتیلگن. مجلسنینگ انه شو قرار اساسیده، حکومت طرفیدن بیرینچی باسقیچده تنیشیتریلگن نامزد وزیرلردن 7 تهسی ایکّی وطنداشلیگی بولگنی سبب نامزد وزیرلر رویخطیدن چیقاریلگن ایدی.
حاضر افغانستان تشقی همده ایچکی ایشلر وزیرلری نورالحق علومی و صلاح الدین ربانیلر ایکّینچی وطنداشلیک لرینی ترک قیلیش بیلن ملی مجلس اعضالری آرقهلی ایجابی رای آلیب، مذکور لوازملرگه تعین لنگن ایدیلر.
نمایندهلر مجلسی نینگ تشقی علاقهلر کمیسیونی پارلمان آرقهلی ایشلب چیقیلگن لایحهگه موافق بو مرته هم ایکّی وطنداشلیک هیچ بیر نامزد وزیرگه ایجابی آواز بیریلمس لیگی بارهسیده تاکیدلهگن.
نمایندهلر مجلسی نینگ معارف، عالی تحصیلات، مدنیت و دین ایشلری بوییچه کمیسیون اعضاسی حمیرا ایوبی نینگ سلام وطندارگه بیلدیریشیچه، مذکور کمیسیون بوگوندن باشلب حجتلرنی تیکشیریشگه اولگورگن. خانیم ایوبی بیرینچی باسقیچده نامزد وزیرلرنینگ تحصیلی حجتی تکمیل می، ایمس لیگی تیکشیریلیشینی ایتگن.
شونیگدیک خانیم حمیرا، نامزد وزیرلرنینگ حجتی تصدیق لهنیشی اوچون افغانستان عالی تحصیلات وزیرلیگیگه خط یوللگهگن لیکلرینی بیلدیرگن. مملکت عالی تحصیلات وزیرلیگی تامانیدن نامزد وزیرلرنینگ تحصیلی حجتی تصدیق لنگندن کیین تیکشیروونینگ ایکّینچی باسقیچی باشلهنیشی تاکیدلنهدی.
مدافعه وزیرلیگی نامزدی
ملی بیرلیک حکومتینینگ عمریدن آلتی آی اوتیشیگه قرهمی، نامزد وزیرلردن 16 تهسی اوتگن هفته چهار شنبه کونی افغانستان جمهور رییسی نینگ ایکّینچی اورین باسری آرقهلی ملی مجلسگه تنیشتیریلدی. نمایندهلرگه کوره، بهار فصلی باشلهنیشی همده دولت قوراللی مخالفلری نینگ فعالیتی شددتلنگن بیر پیت ملی مدافعه وزیرلیگی نامزدی تَنشیتیریلیشی حتمی.
بوگون سلام وطندار رادیوسی بیلن صحبت قیلگن جمهور رییس نینگ سوزلاووچیسی اجمل عبید عابدینینگ ایتیشیچه، مدافعه همده مرکزی بانک و دولت باش قارهلاوچیلیک عمومی ریاستلری نینگ نامزدلری ملی مجلسدن ایشانچ رایی آلیش اوچون پارلمانگه تنیشتیریله دیلر.
اشرفغنی افغانستان جمهور رییسی اولراق بیرینچی مرته قیلگن نطق سوزیده کابینه وزیرلرینی 45 کون ایچیده ملی مجلسگه تنیشتیریشی بارهسیده وعده بیرگن ایدی؛ اما، اوشبو نامزد وزیرلری آخرگه کیلیب، 105 کوندن سونگ ملی مجلسگه تنیشتیریلدی.
بیرینچی باسقیچده تَنیشتیریلگن 19 نامزد وزیردن فقط ملی خوفسیزلیک ادارهسی نینگ عمومی رییسی قوشیمچه 8 نامزد وزیری پارلمان اعضالریدن ایشانچ رای آلیشگه موفق بولگن ایدی.
