خوست مدنیت و بیلدیریش ریاستی مسؤوللری نینگ ایتیشیچه، ولایت تاریخی اثرلری مناسب ییر بولمهگنلیگی باعث نابود بولیش خطریگه روپهره بولگن.
خوست ولایتی تاریخی آثار مسؤولی حبیبمحمد مندوزی نینگ سلاموطندارگه ایتیشیچه، ولایت قیمتی اثرلری هوا نا مناسبلیگی و اسرهلیشی اوچون مناسب ییر بولمهگنلیگی دلیل، یوقالیب کیتیش خطری بیلن روپهره بولگن. مندوزی نینگ ایتیشیچه، 400 گه یقین تاریخی اثرلر معیارسیز محلده اسرهلیب کیلماقده.
شونینگدیک خوست مدنیت و بیلدیریش ریاست باشلیغی محمدامین شاه الفت تاریخی اثرلر اسرهلیشی اوچون معیاری ساختمانگه احتیاج سِیزیلگنلیگی اساسیده مرکزی رسمیلر و یاردم بیرهدیگن نهادلردن بوبارهده توجه قیلیشلرینی ایستهیدی.
باشقه تاماندن باستانشناسلردن ایریمی، مدنی و تاریخی اثرلرنی اسرهلیشی افغانستان خلقی نینگ روحیهسی کوچلهنیشی اوچون اهمیتلی و بو اثرلر بوزیلیش و قاچاق بولیش آلدی آلینیشینی ایستیدیلر.
خوست یشاوچیلری هم دولتدن تاریخی آبدهلر اسرهب قالینیشی اوچون معیارگه برابر ساختمان توزهلیشینی ایستهدیلر.
خوست یشاوچیلریدن نثارالله احسان و قدرتاللهلر؛ خوست باستانی اثرلرینی کورگهنی باریب، برچه تاریخی اثرلرنی بیر معیارگه ماس بولمهگن تامده تیقیشتیریب قویلگن حالده کورگن ایکنلر.
اولرنینگ ایتیشیچه، تشقی سیاحتچیلر و محل یشاوچیلری نینگ اوشبو ییردن کوریب چیقیشلریگه سلبی تأثیر قویلهدی.
خوست موزهسی، افغانستان جنوبشرقی ولایتلریدهگی کوپ سانده بولگن تاریخی اثرلرنی اوزیگه ییرلشتیرگن ولایتلرده دیر.
