.JPG)
قندوز شهری نینگ یوزلب یشاووچیسی امنیتی کوچلرنینگ هوادن اوتکزگن عملیاتی نیتجهسیده 30 کیشی تینچ اهالی قربان بولیب 30 دن آرتیق انسان یرهلنگن لیگیگه قرشی ناراضیلیک نمایش اوتکزدیلر.
بو کیشیلر اوتگن کیچه خلق ارا حربیلر همده افغان ملی کوچلری آرقهلی قندوز شهریرنینگ بوز کندهاری قیشلاغیده اوتکزیلگن هجومده قربان بولنگلر.
اعتراضچیلر، ناتو و افغانستان ملی کوچلریگه قرهشلی هوا کوچلری اوتگن کیچه ساعت 10 دن پنج شبنه کونی ایرتلب تانگ آتگونچه یشش اویلری هجوم آستیگه آلینگن لیگینی تیلگه آلگنلر. هجوم عاقبتیده بلاغتگه ییتمهگن 15 گودک داخل 30 کیشی تینچ فقرا قربان بولگن.
اما، قندوز ولایتی نینگ والیسی اسدالله عمرخیل، اوتکزیلگن هوا هجومی نتیجهسیده 30 تینچ اهالی هلاک ایتیلگن لیگی و 26 کیی یرهلنگن لیگینی تصدیق لب، اما مخصوص حربیلر عملیاتیده مذکور قیشلاقده 28 جنگری طالب اولدیریلگن دیگن.
اونینگ سوزلریگه کوره، افغان ملی کوچلری قوراللی طالبلر قورشاوویگه قالگن بیر پیتده تینچ اهالیگه تلفات ییتگن.
شونینگدیک ولایت نینگ والیسی حادثه تیکشیریلیشی اوچون کمیسیون تشکیل ایتیلگن دیگن. کمیسیون ایشی تکمیل ایتیلیشی بیلن موضوع کوپراق یاروتیلهدی دیگن ولایت والیسی.
ولایت والیسی عملیاتده خلق حربی کوچلرنینگ قوریقلیک همده هوا کوچلری موجودلیگینی رد قیلگن. لیکن، خلق حربی کوچلر کیسکین ماموریتی نینگ قوماندانلیگی عملیاتده ایکی عسکری هلاک بولگن لیگینی اعتراف قیلگن.
عین حالده، افغانستان جمهور رییسی قندوز ولایتیده تینچ اهالیگه ییتگن تلفات توغریسیده تاسف بیلدیرگن. جمهور رییسلیک سرایی بیر خبر نامه نشر قیلیب، جمهور رییس غنی ولایت والیسی ینه یوقاری مرتبهلی رسمیلر عملیات بوتونلی دقت بیلن اوتکزیلیشی اوچون بویروق بیرگن.
شونینگدیک خبرنامه ده، حادثه هر تامانلمه تیکشیریلیشی اوچون جمهور رییس غنی مخصوص کمیسیون تشکیل ایتگن لیگی یازیلگن.
