فاریاب ولایتی پشتونکوت تومنینینگ بیش قیشلاغینی سقوطی نتیجهسیده، خلق کوچلریدن بیرقطاری اولیب و یرهلنگن.
طالبلر آلتی کوندن بویان دواملی شکلده پشتونکوت تومنیدهگی امنیتی پوستهلر اوستیگه هجوم اویوشتیرگن. مذکور گروه، «قیرق ییگیت»، «کله شاخ»، و کلیمباف منطقهسیدهگی «دوازده ایماق» منطقهلری شامل پشتونکوت تومنینینگ بیش قیشلاغینی خلق کوچلری نظارتیدن چیقارگن.
فاریاب ولایتی پشتونکوت تومنینینگ ولسوالی عبدالقدیر قادری اوشبو خبرنی تأیید قیلیب سلاموطندارگه ایتیشیچه، خلق کوچلری بیلن طالبلر اورتهسیده قتیق توقنهشوو یوزبیرگنیدن کیین، خلق کوچلری قومندانی امانالله یرهلنیب، سرحوض منطقهسیده عسکرلری بیلن آرقهگه چیکیلگن. شونینگدیک اونینگ ایتیشیچه، گلیمباف منطقهسی بوتونلهی طالبلر نظارتیگه اوتگن و اوروش سرحوض اطرافیده جدی شکلده دوام ایتماقده.
پشتونکوت ولسوالینینگ آگاهلنتیریشیچه، دولت قولدن کیتگن منطقهلرنی قیته آلیش اوچون یاردم بیرمهگن صورتده، غورماچ تومنی مصیبتی تکرارلهنیشی ممکن.
