کاپیسا ولایتی نجراب تومنی نینگ لوکاخیل قیشلاغیده امنیتی کوچلر و کیسکین حمایوی کوچلر آرقلی یولگه قوییلگن قوشمه بیر عملیات عاقبتیده 6 تینچاهالی و 6 طالب هلاک ایتیلگن.
مذکور حادثهده هلاک ایتیلگن تینچاهالی اقاربلری نینگ ایتیشلریچه، بو عملیاتده عیاللر و بالهلر شامل بیر عایله نینگ 6 اعضاسی هلاک و شونینگدیک باشقه 6 اعضاسی یرهلنگن.
شونینگدیک کاپیسا ولایتی نینگ امنیتی مسئوللری، نجراب تومنی نینگ لوکاخیل قیشلاغیده امنیتی کوچلر و کیسکین حمایوی کوچلر آرقلی قوشمه عملیات یولگه قوییلگنی نی تصدیقلهگن.
نجراب تومن پولیس قومندانی حبیب اندرابی نینگ ایتیشیچه، مذکور عملیاتده 6 تینچاهالی و 6 طالب هلاک ایتیلگن.
شو توغریده:
- کاپیساده ماین پارتلشی عاقبتیده 6 تینچاهالی جان بیرگن
کاپیساده بیر توی مراسمیده 4 کیشی هلاک ایتیلگن
عین حالده، کاپیسا ولایتی کینگش باشلیغی محمدحسین سنجنی اوشبو عملیات نی تصدیقلب ایتیشیچه، بو عملیاتده 6 طالب هلاک و شونینگدیک باشقه بیر طالب یرهلنگن.
گرچند جناب سنجنی تینچاهالی تلفاتی نی رد قیلمهیدی، بیراق اونینگ بیللی رقمیدن اوز خبرسیزلیگی نی بیلدیرهدی.
طالبان کاپیسا ولایتی نجراب تومنی نینگ ایریم بولیمیده کینگ فعالیت قیلهدی و بو تومن کاپیسا نینگ ناتینچ تومنلریدن بیری سنلهدی.
