افغانستان ساغلیقنی سقلش وزیری فیروزالدین فیروزنینگ ایتیشیچه، مملکت بولیب دارو کیلتیرووچی 800 شرکت صفتسیز دارو کیلتیرگنلیکلری سبب فعالیتلری توختهتیلگن. او، مذکور سوزلرنی آلتی آیلیک گزارشنی ارایه قیلهدیگنده تیلگه آلگن. دارو لرنینگ 98% چیت ایلدن کیلتیریله دی و یالغوز 2% ایسه مملکتده ایشلب چیقاریلهدی دیگن جناب فیروزی.
ساغلیقنی سقلش وزیرلیگیگه کوره، 45% دارولر پاکستان، 25 هندوستان،15% ایران و قالگنی ایسه چین، عربستان و بنگلهدیشدن کیلتیریلهدی. فیروز، مملکتنینگ بیش زونیده آذیق آوقت صفتینی تیکشیرووچی مرکزلر تاسیس ایتیلیشی بارهسیده اشاره قیلگن.
ساغلیقنی سقلش وزیری ساغلیق خذمتلری صفتی قویی بولگنی، صحی مرکزلرنینگ زمانوی شکلده قوریلمهگنی و بو توغریده بولگن ایریم چیکلاولر سابق وزیرلر زمانیدن هنوزگچه هم حل ایتیلمهگن مسالهلردن دیگن. او، اوشبو قیینچیلیکلر برچهسی برطرف ایتلیشی اوستیده تاکیدلهگن.
شونینگدیک ساغلیقنی سقلش وزیرلیگی بلند مرتبهلی رسمیلری مملکت بولیب 14 مینگ دواخانه فعالیت قیلهدی و یالغوز 4 مینگیده مسلکی کیشیلر ایش قیلهدی دیگنلر.
شونینگدیک وزیرلیک مملکتگه 40% دوالر ناقانونی شکلده کیلتیریلیشینی تیلگه آلگن. رسمیلرگه کوره، دارولرنی قاچاق ایتیلیشی ساغلیقنی سقلش وزیرلیگی قرشیسیده تورگن ییریک معمالردن حسابلنهدی.
