.jpg)
جوزجان ولایتینینگ خماب و فیضآباد تومنلری محلی رسمیلرینینگ سلاموطندارگه ایتیشیچه، ینگیلیکده طالبان گروهی حجابسیز عیاللرنینگ یوریشلری و ایرلریدن شکایت قیلیشلرینی منع قیلگن.
خماب تومنی ولسوالی انجنیر احمدنینگ ایتیشیچه، قوراللی طالبلر مذکور تومننی بوتونلهی نظارت گه آلگنیدن سونگ، هر کون اهالی اوستیگه ینگی و قتیق قانونلر تعیین قیلهدی. خماب ولسوالی گه کوره، اوشبو هفته جریانیده طالبان گروهی حجابسیز عیاللرنینگ یوریشلری و ایرلریدن شکایت قیلیشلرینی منع اعلان ایتگن.
شونینگدیک، سلاموطندارگه صحبت بیرگن فیضآباد تومنی ولسوالی سیدالفشاه عطایینینگ ایتیشیچه، بو تومنده طالبلر عیاللر تامانیدن ییغین و توپلم تشکیل ایتیلیشی گه رخصت بیرمهیدی. اونینگ ایتیشیچه، طالبلر عیاللر تامانیدن تلیفون قوللنیشینی هم منع قیلگن.
جوزجان یشاوچیلریدن بیرقطاری، مذکور ولایتده طالبان گروهینینگ فعالیتلری کینگهیگنیدن خواطر بیلدیریب و دولتدن طالبان گروهی گه قرشی حربی عملیاتلر یولگه قوییشلرینی سورهگن.
.jpg)
جوزجان عیاللریدن بیرینینگ ایتیشیچه، بو وضعیت خواطرلی دیر و تیزلیککه جوزجاننینگ ایریم تومنلریده تازهلش حربی عملیات یولگه قوییلیشی کیرهک.
شونینگدیک، جوزجان حاکمینی اورین باسری عبدالرحمان محمودی، ینگیلیکده خماب و فیضآباد تومنلرینینگ اهالیسینی اوستیگه طالبان گروهی تامانیدن ینگی قاعدهلر تعیین ایتیلگنینی تصدیقلب و شونینگدیک، حاکمیتلریده بولگن منطقهلرده قیزلرگه مکتبلر باغلنگنینی ایتگن.
بیراق، طالبان گروهی سوزلاوچیلریدن بیری ذبیحالله مجاهدنینگ ایتیشیچه، بو گروهنینگ عادی اهالی بیلن ایشی یوق و عیاللر هر بیرحالتده حجابنی رعایت قیلهدیلر.
