مقتولنینگ آنهسی خالصه تخار ولایتی رستاق تومنینینگ کیشان قیشلاغی یشاوچیلریدن دیر. اونینگ ایتیشیچه، ناقانونی قوراللی قومندان مخدوم کفایتالله ایکی فرزندینی اولدیرگن و حاضرده عایلهسینینگ باشقه اعضالری تالقان شهریگه حیات کیچیرهدیلر.
قاری محیالدین و دشتی محمد ایکی آی آلدین بیر حقوقی تارتشولر باعث اولدیریلگنلر. قاری محیالدیننینگ تورمیش اورتاغی(خاتینی) رویدا نینگ ایتیشیچه، اوندن 4 باله قالگن و ناقانونی قوراللی کیشیلرنینگ تهدیدی باعث، بیر هفتهدن بویان تالقانده حیات کیچیرهدیلر.
عینحالده، تخار پولیس قومندانلیگینینگ سوزلاوچیسی خلیل اسیرنینگ ایتیشیچه، اوشبو واقعهگه عیبلنگن اوچ کیشی قولگه آلینگن و باشقه ایکی تهسینی قولگه آلیش اوچون سعی و حرکتلرنینگ دوامی بار.
مخدوم کفایتنینگ توشینچهسینی آلیش اوچون سعی و حرکت قیلدیک بیراق موفق بولمهدیک.
تخار محلی حکومتیگه قرشی ناقانونی قوراللی کیشیلر کته قیینچیلیک سنهلهدی و رستاق تومنیده ناقانونی قوراللی کیشیلرنینگ ارقامی کوپ دیر.
ارقاملرگه کوره، اوشبو تومنده کمیده 1 مینگ ناقانونی قوراللی کیشی فعال دیر.
