تخار ولایتینینگ دشت قلعه تومنی یشاوچیلری، مذکور تومننینگ ایریم منطقهلری طالبلرنینگ قولی گه سقوط قیلگنی دن خبر بیرگن.
دشت قلعه یشاوچیلریدن بیری بشیراحمدنینگ سلاموطندارگه ایتیشیچه، اوشبو تومننینگ ایریم بولیمی طالبلرنینگ نظارتی گه اوتگن و منطقهدن اونلرچه عایله قاچقیب چیققن.
دشت قلعه یشاوچیلریگه کوره، اوشبو تومن گه خواجهغار تومنیدن امنیتی کوچلر کیلگن. کوکچه کوپریکی اطرافیده جایلشگن اهالینینگ ایتیشیچه، وضعیت شوندهی بیر شکلده دوام قیلگن صورتده، تومن طالبلرنینگ قولی گه سقوط قیلهدی.
تخار پولیس قومندانلیگی سوزلاوچیسی خلیل اسیر، دشت قلعه تومنی گه طالبلر هجوم قیلگنینی تصدیقلیدی و دشت قلعه تومنینینگ کسلخانهسی و پولیس قومندانلیگی اطرافیده امنیتی کوچلر و طالبلرنینگ آرهسیده قتیق آتیشمه دوام ایته یاتگنیدن خبر بیرهدی.
بیراق، جناب اسیر تومن نینگ ایریم بولیمی سقوط قیلگنی توغریسیده هیچ نرسه دیمهیدی و طالب لر هم حاضرگچه بو توغریده هیچ نرسه دیمه گن.
