دوشنبه کون، اخبارات ومدنیت وزیرلیگی یاشلر اورین باسرلیگی و خصوصی مؤسسهلر اورتهسیده قول قوییلگن کیلیشووگه کوره، اوقیشگه علاقهسی بولگن 10 مینگ کیشی، خصوصی مؤسسهلرگه جذب بولهدی.
اوشبو کیلیشووگه (دوشنبه کون) مذکور ادارهلر رسمیلری اورتهسیده قول قوییلدی، بو کیلیشووگه اساس، قشاق یاشلر اوچون، خصوصی مؤسسهلرده اوقیش زمینهسی یرهتیلهدی.
مدنیت و معلومات وزیرلیگی یاشلر اورین باسری کمال ساداتنینگ ایتیشیچه، اوقیشگه علاقهسی بولگن 10 مینگ کیشی خصوصی مؤسسهلرگه کیلیب، آز خرجت بیلن ایستهگن بولیملرگه اوقییه آلهدیلر.
اونینگ کوپهیتیریشیچه، 26 ساغلیق بیلیم انستیتوتی، یوکسک انستیتوتلر بیلن 10 مینگ قشاق ییگیتلر جذب ایتیش شرطنامهسیگه قول قویگن و بو جملهدن، 374 کیشی، خرجت بیرمسدن تعلیم آلیب بیلهدی.
جناب ساداتگه کوره، علاقهسی بار کیشیلر، مدنیت و معلومات وزیرلیگی یاشلر اورین باسرلیگی و مذکور ادارهنینگ ولایتلردهگی نمایندهلیک لریگه باریب، اوقیش فورمنی قولگه کیریته آلهدی.
عین حالده، افغانستان ساغلیق بیلیم انستیتوتلر بیرلیگی باشلیغی عبدالحمید رحمانزی، یاشلرنینگ اوقیشدن اوزاق قالیشلرینی مملکتده اقتصاد آزلیگی دیب بیلهدی.
اونینگ ایتیشیچه، یاشلر اوقیشگه قیزیقهدی، بیراق اولرگه قشاقلیک توسیق بولهدی. جناب رحمانزی نینگ کوپهیتیریشیچه، انه شوسبب اولر، اوقیشگه علاقهسی بار یاشلر اوچون اوقیشگه زمینه یرهتیش خصوصیده سعی و حرکت قیلهدی.
شوندهی بیرحالده، اخبارات ومدنیت وزیرلیگی رسمیلرینینگ ایتیشیچه، مملکت نفوسینینگ 65 فایزدن آشهراغینی یاشلر تشکیل بیرهدی و بو کته جمعیت اوچون ایرکین وزیرلیک ایجاد ایتیلیشی لازم.
مرکزی احصاییه ادارهسی رقمیگه کوره، مملکت جمعیتیدن ایکی حصهسینی 25 یاشیدن قویی یاشلر تشکیل بیرهدی.
