.jpg)
بوندن آلتی ییل آلدین هرات ولایتینینگ شیندند هوایی قونالغهسی اردو کوچلریدن بولمیش نعمتالله فرهادینینگ بیر حربی عملیاتده شاه رگی اوزولدی. او، 3 ییلنی مملکت اردو کوچلری قطاریده اوتگزگن، حاضر یمان وضعیتده اولوم بیلن حیات اورتهسیده یشب کیلماقده و بسترده یاتیلگن.
فرهادی، بار یاغینی ساتیب عایله اعضاسی بیلن قاچاق شکلیده آلمان بارهدی، «ساغهلیشینگ مملکن سیز» دیگن جوابنی آلمان داکترلریدن آلهدی و خلاص.
ایکی کوندن بویان فرهادی هرات حوزهیی کسلخانهسیده سقلنیب کیلماقده، ییللر درد چیکیشی بیلن حاضر رسانهلر آرقهلی دولت رسمیلریگه فریادینی ییتکیزماقده.
بو اردو سربازی نینگ ایتیشیچه، هرات ولایتی شیندند تومنی نینگ زیر کوه منطقهسیده حربی عملیات اوتکزیش پیتیده اورتاقلری بیلن اوروش تامان باریش چاغیده، یول آقیمیده یولاوچی موترلری جنگری طالبلر راکت هدفیده آلینیب شاه رگی کیسیلهدی.
حادثهدن سونگ نعمتالله، کابل 400 بستر کسلخانهسیده و کیینچهلیک قیزیل آی ادارهسی آرقهلی ایران یوباریلهدی و بیلی عملیات ایتیلیشی بیلن مذکور مملکت کسلخانهسیده بیش ییل قالهدی.
.jpg)
نعمتالله نینگ ایتیشیچه، آلمانلیک داکترلرنینگ سلبی جوابلرینی ایشیتیشی بیلن قیته مملکت کیلگن، اما حاضر حیات کیچیرهدیگن ییری یوق. اونینگ یرهلنیشی بیلن نیچه آیدن سونگ دولت تامانیدن آیلیگی کیسیلیب قالگن و حاضر حیات کیچرهدیگن ییری بولمهگنی سبب، حکومتدن هیچ بولمهگنده باش پناه بیریشینی سورهگن.
بو عسکرنینگ 48 یاشر آنهسی صفرا فرهادی ییللردن بویان یلغوز اوغلیگه قراوول بولیب قالگن. اونینگ ایتیشیچه، اوغلی یرهلنمسدن آلدین کیلینی و نبیرهسی هرات رباطسنگی تومنیده یشش بنالریده هاوان توشیشی بیلن عالمدن اوتگنلر.
قیغو – المگه باتگن نعمتالله نینگ آنهسیگه کوره، اوغلینی قرهتیش اوچون بار یاغلرینی ساتگن و حاضر یشش باشلنغیچ امکاناتیدن هم محروم. او، اوغلینی مملکتدن دفاع قیلیش اوچون شاه رگی کیسیلیشی بیلن فلج بولگن و حکومت دادیمیزگه ایتیشی لازم دیب هیچ بولمهگنده، یشش بنا بیریشینی سورهیدی.
