.jpg)
بادغیس محلی رسمیلری نینگ ایتیشیچه، پولیس کوچلریدن 5 تهسی طالبلرگه قوشیلگن.
بادغیس والیسی نینگ سوزلاوچیسی ظاهر بهاندنینگ سلاموطندارگه ایتیشیچه، اوتگن کیچه بو قطار پولیس کوچلری قولیدهگی قورال اسلحهسی بیلن ولایت بالامرغاب تومنیده طالبلرگه قوشیلگن. اونگه کوره، بو عسکرلر جوند و بالامرغاب تومنی یشاوچیلری ایکن.
بادغیس والیسی سوزلاوچیسی نینگ کوپهیتیریشیچه، پولیس اوشبو قاچگن عسکرلرنینگ ضمانت قیلگنلرنی تاپیشگه حرکت قیلگن.
بادغیس امنیه قومندانی عبدالرؤوف تاج هم بالامرغابدن 5 کیشی طالبلرگه قوشیلگنلیگینی تأیید قیلیب، مذکور تومنده باشقه پولیس یوباریلگن دیدی.
باشقه بیرتاماندن بغلان ولایتی نینگ مرکزی بغلان تومنیدن بیر محلی پولیس قومندانی 6 اورتاغی بیلن طالبلرگه قوشیلگن.
مرکزی بغلان تومنی امنیه قومندانی محبالله کوهستانی نینگ ایتیشیچه، اوتگن کیچه عظیم ناملی محلی پولیس قومندانی 6 عسکری بیلن قولیدهگی قورال اسلحهلری و بیر رنجر موتری بیلن طالبلرگه قوشیلگن.
جناب کوهستانیگه کوره، بو محلی پولیس کوچلری مرکزی بغلان تومنی نینگ 12- جادهسیده وظیفه بجرردیلر.
بیراق اسمی سیرسقلنیشینی ایستهگن منبع نینگ ایتیشیچه، بو محلی پولیس قومندانی بیر رنجر، 8 میل کلاشینکوف، 2 میل پیکا و بیر میل راکتنی اوزلری بیلن بیرگه آلیب کیتگنلر.
طالبلر سوزلاوچیسی ذبیحالله مجاهد هم اوز تویتریده بو محلی پولیس قومندانی و نفرلرنی طالبلرگه قوشیلگن خبرینی تأیید قیلگن.
