غزنی محلی رسمیلری ایتیشیچه، طالبلر غزنی مالستان تومنی نینگ 5 یشاوچیسینی اجرستان تومنیده باشلرینی آلگن.
بو 5 کیشی جلاب( مواشی ساتووچی) مالستان تومنینینگ مکنک قیشلاقینینگ یشاووچیسی ایکنلر 25-حمل سهشنبه کونی جنگری طالبلر اجرستان تومنیدن اوغیرلهگن ایدی.
غزنی ولایت اورین باسری محمدعلی احمدینینگ ایتیشیچه، مالستان باشلیغی و اجرستان پولیس باشلیغی تامانیدن قولگه کیلگن معلوماتلر کورسهتیشیچه، طالبلر اوغیرلنگنلرنی اولدیرگن.
احمدیگه کوره، طالبلرمذاکره قیلووچی قوم آقسقاللریگه اوغیرلنگنلر جسدینی اجرستان منار منطقه سیدن قولکه کیلتیره آلهسیز دیگن.
شونینگدیک غزنی ولایتینینگ کینگش باشلیغی خالقداد اکبری هم مذکور واقعهنی تایید قیلدی.
عین حالده مالستان تومنینینگ باشلیغی ضامنعلی هدایت ایتیشیچه، قوم آقسقاللری اجرستان تومنیده اولگن لرجسدینی طالبلردن آلیش اوچون بارگنلر.
طالبلر مذکور جلابلرنی، نیچه کون آلدین دولت تامانیدن مذکور گروه ناملنگن ولسواللریدن بیری غزنی ولایتی نینگ جاغوری تومنیده 5 اورتاقی بیلن توتیلگنلیگیگه قرشی اوغیرلهگن ایدیلر.
