مملکت‌نینگ شمال شرقی‌ده جایلشگن بدخشان ولایتی‌نینگ یمگان و وردوج تومنی حاضر جنگری طالبلر اشغالیده قالماقده. شونینگ‌دیک ولایت‌نینگ جرم، داغستان، تگاب، یفتل‌بالا، شهدا و ارغنج‌خواه تومنلری‌نینگ هم ایریم بولیم‌لریده بو حرکت‌نینگ فعالیتی کوزه‌تیلگن.
بدخشان بونده‌ی وضعیت‌ده ایکن‌لیگینی تصدیق ایتگن ولایت‌نینگ والی‌سی فیصل‌بیگزاد، جاری ییل طالبلر ایریم هجوملرده شکست‌گه دوچار بولگن‌لیک‌لرینی ایتگن. جناب بیگزاد، اوتگن ییل دولت قوراللی مخالف‌لری تامانیدن تصروف ایتیلگن منطقه‌لر هنوز هم قول‌لریده قالیب بارماقده دیدی. اما، بو ییل مذکور گروه کوزله‌گن مقصدلرگه ییتمه‌گن لیگنی تیلگ‌ه آلگن جناب والی.
بدخشان ولایتی‌نینگ والی‌سی، جنگری گروه‌لر جاری ییل باشلنگن‌دن بیری 10- 12- بار بهارک، تگاب، راغستان، درایم و ارغنج‌خواه تومنلرینی تصروف ایتیش نیتده گروهی هجوم اوتکزگن‌لر دیگن. بیراق، هجوملری هر مرته افغان ملی کوچلری‌نینگ جدی مقاومتی‌گه روپه ره بولگن.
ولایت‌نینگ محلی بلندمرتبه‌لی رسمیلری، بدخشان بویلب 1200 دن 1400 گه قدر طالب جنگریلری موجود لیگینی بیلدیرگن‌لر. اوشبو قوراللنگن طالبلر ولایت اوچون طالب‌لرنینگ والی‌سی ایتیب تعین‌لنگن مولوی فصیح‌الدین رهبرلیگی‌ده فعالیت آلیب باره‌دیلر.
اما، بدخشان ولایت کینگشی‌نینگ اعضاسی عبدالله ناجی نظری‌نینگ سوزلریگه کوره: «جاری ییلده قوراللی طالبلر ولایت‌نینگ هیچ بیر نقطه‌سینی تصروف قیلیش‌گه موفق بولمه‌گن‌لیکلری توغری، اما امنیتی کوچلر هنوز هم مدافعه‌وی حالت‌ده تورگن‌لر»
عین حالده، مملکت امنیتی اداره‌لر مسوول‌لری، یوقاریده ایتیلگن تومن‌لر جنگریلردن تازه‌له‌نیشی اوچون تیزلیک‌ده حربی تازه‌لش عملیات اوتکزیلشی توغریسی‌ده خبر بیریشگن‌لر. افغانستان ملی مدافعه وزیرلیگی‌نینگ سوزلاوچی‌سی دولت وزیری، بدخشان ولایتی بوتون تومن‌لریده یول‌گه قوییلگن حربی عملیات‌لر بو تومن‌لر جنگریلردن تازه‌لنمه‌گونگه قدر دوام ایته‌دی دیگن.
بدخشان و لایت والی‌سی‌نینگ سوزلاوچی‌سی نوید فروتن عملیاتده یوز بیرگن تلفات باره‌سیده ایتیشچیه، جاری ییل اسد آیی نینگ 5- سیده باشلنگن عملیاتده هنوزگچه قوراللی طالب‌لرنینگ اوچ قوماندانی شامل 27 جنگری اولدیریلگن. ایتیلیشیچه، عملیاتده 27 طالب ایسه تن جراحتی آلگن.
بدخشان پولیس قوماندانلیگی سوزلاوچی‌سی مسعود ارشد، جنگری طالبلر اینگ سونگی بار ولایت‌نینگ بیر قنچه تومن‌لریگه هجوم قیلگن‌لر دیگن. اونگه کوره، جنگری طالبلر کیچه شهدا، تگاب و یفتل‌بالا تومنلرینی تصروف قیلیش نیتده حلمه قیلگن.
شونینگ‌دیک جناب ارشد، نتیجه‌ده عصیانچی طالب‌لرنینگ 14نفری اولدیریلگن و باشقه 4ته‌سی ایسه جراحت آلگن لیگینی بیلدیرگن.
