طالبان دشتارچی تومنیده خوفسیزلیک کوچلرینینگ پوستهلریگه هجوم اویوشتیرگن و نتیجه ده خوفسیزلیک کوچلردن 18 تهسی هلاک و باشقه 14 تهسی تنجراحت آلگن.
آتی فاش ایتیلیشی نی ایستمهگن بیر منبعنینگ سلاموطندارگه ایتیشیچه، اوتگن کیچه طالبان دشتارچی مرکزیدهگی نظم عامه، اردو و محلی کوچلرنینگ پوستهلریگه هجوم قیلگن و مذکور هجوم ده نظم عامه کوچلریدن 11 تهسی و مردمی کوچلردن 7 تهسی هلاک و نظم عامه کوچلریدن 6 تهسی، مردمی کوچلردن 4 تهسی و اردو کوچلریدن باشقه 4 تهسی تنجراحت آلگن.
قندز پولیسینینگ خوفسیزلیک آمری صفیالله محزون بو حادثه نی تصدیقلب ایتیشیچه، بو آتیشمه ایرتهلب ساعت 2 اطرافیده باشلهنیب و ساعت 5 گچه دوام تارتگن و مذکور آتیشمه نتیجهسیده ایکی تامان آغیر تلفات کورگن؛ بیراق اولرنینگ قربانیلری توغریسیده بیلی رقم قولگه کیلمهگن.
طالبان حاضرگچه بو توغریده هیچ نرسه دیمهگن.
