مملکت حج و اوقاف وزیرلیگی مسجدلرنی بوتون تعویذ یازووچیلریدن تازهلیدی. حمل آیینینگ تورتینچی کون بیر خبری انجمنده سوزلهگن فیضمحمد عثمانی افغانستان بویلب مسجد و عامهوی زیارتگاهلر تعویذ یازووچیلریدن تازهلنیشینی ایتدی.
بو توغریدهگی قرار اوتگن هفته فرخنده ناملی قیز قرآن کریمنی کویدیرگنلیک عیبی بیلن غضبلنگن بیر گروه تامانیدن کتلتکلهنیب و تاشلهنیب اولدیریلب، جسدی اوتگه یاندیریلیب یوباریلگندن سونگ آلینماقده.
عضبلنگن اوشبو شخصلر دستلب فرخندهنی تاشلب اولدیریب سونگ جسدینی اوتگه یاقیب یوباردیلر.
مذکور جنایت مملکت اهالیسی قوشیمچه مدنی جماعهچیلیک ادارهلر فعاللری و انسان حق و حقوقلری بوییچه تشکیلاتلرنینگ جدی عکسالعملیگه روپه ره بولدی.
اهالی حکومتدن مملکت بویلب تعویذ یازووچیلری تازهلهنیشینی سورگن ایدیلر.
انسان حق و حقوقلری تشکیلاتی هم فرخندهنینگ اوتگه یاندیریلگن لیگینی قارهلب تشویش بیلدیردی. مذکور تشکیلات حادثه اوچون افغان ملی کوچلری بیفرق یاندشگنلیک لری توغریسیده افسوس بیلدیرگن.
واقعه یاروتیلیب قتل عامللری قولگه آلینیشی اوچون افغانستان جمهور رییسی کمیسیون تشکیل ایتیلیشیگه بویوروغ بیردی. شونینگدیک جمهور رییسغنی مذکور جنایت عامللریگه خطاب قیلیب، قانون هیچ بیر زمان مسوولیتسیز شخصلر آرقهلی عملگه آشیریلمس لیگینی تیلگه آلگندی.
اوشبو حادثهدن سونگ، ایش و اجتماعی ایشلر بوییچه وزیرلیک افغانستان حج و اوقاف وزیرلیگیگه خطاب قیلیب، مذکور وزیرلیک مملکت بویلب تعویذ یازووچیلرینی آلدینی آلیشگه موفق بولمهگن حالده، حج و اوقاف وزیرلیگی ایشیگی باغلهنیشی درکار دیگن.
مسجدلر همده عامهوی زیارتلرده تعویذ یازووچیلرینی تازهلش دستوری اوتگن کوندن اعتبارن باشلندی. بو لایحه کیلگوسی کونلرده هم دوام ایتیلیشی انابتگه آلینگن. ایتلیشیچه، شاه دوشمشیره و ابوالفضل زیارتگاهی مذکور شخصلردن تازهلنگن.
