کابل – غزنی و کابل – بامیان عمومی ترانسپورت قتناوی یولیده یوز بیرگن ایکی ترافیک حادثهده 13 کیشی قربان بولیب، باشقه 27 نفر آغیر و یینگیل یرهلنگن. کابل – غزنی عمومی ترانسپورت یولیدهگی حادثه بوگون توشدن آلدین ساعت 10:30 ده فلانکوچ و تونیس رسوملی موترلرنی توقنَشی نتیجه سیده یوز بیرگن.
غزنی ولایت والیسی نینگ سوزلاووچیسی شفیقالله ننگ ساپینینگ سلاموطندارگه ایتیشیچه، واقعهده تورت کیشی حیاتدن کوز یومیب، باشقه 16 انسان یرهلنگن.
جناب ساپیگه کوره، حادثهده تورت عیال قوشیمچه بیش گودک تن جراحتی آلگن. غزنی ولایت والیسی سوزلاووچیسی، واقعه نینگ اصلی سببی هنوزگچه بیللی ایمسلیگینی ایتگن.
عین حالده، غزنی شفاخانهسی نینگ رییسی باز محمدهمت نینگ سلاموطندارگه بیلدیریشیچه، یرهلنگنلرنینگ کوپچیلیگینی احوالی آغیر. شونینگدیک میدان وردک ولایتی عاموی اخبارات واسطهلر ادارهسی نینگ خبرنامه سیگه کوره، میدان وردک ولایتینینگ جلریز ولسواللیگیگه قرهشلی اونی منطقه سیده جایلشگن کابل – بامیان عمومی یولیده روی بیرگن ترافیک واقعهده تورت عیال شامل 9 گودک تن جراحتی آلگن.
خبرنامهده، واقعه فلانکوچ تیپلی بیر موتر یولدن قوله گنلیگی عاقبتیده یوز بیرگنلیگی یازیلگن. مذکور حادثهده اون بیر نفر یرهلنگن.
واقعه، موتر تیزلیگی حددن تشقری بولگنلیگی باعث روی بیرگنی ایتیلهدی. هر ییلی مملکت بویلب عمومی ترانسپورت یوللریده روی بیرهدیگن ترافیک واقعهلرده یوزلب کیشی حیاتدن کوز یومهدی.
