بوگون "سه‌شنبه" میدانوردک قوم بویوکلرینینگ کابلده بیر خبری ییغین آرقهلی ایتیشیچه، اخیرگی پیتلرده امنیتی کوچلر تامانیدن صورت تاپهدیگن حربی عملیات‌لر نتیجهسیده قطار تینچاهالی اولیب و یرهلنگن دیر.
میدانوردک قوم بویوکلریدن بیری صابرخان، جمهور باشلیغ و چیتایللیک کوچلردن اوز ایستکلریگه حربی عملیات یولگه قویمهیشینی سورهیدی.
مذکور ولایت قوم بویوکلریدن باشقه بیری ننگیالینینگ ایتیشیچه، میزان آیده جغتو تومنی صورت تاپگن هوایی هجوم نتیجهسیده، 23 تینچاهالی هلاک ایتیلگن. اونینگ ایتیشیچه، ایکی کون آلدین یولگه قویلگن حربی عملیات نتیجهسیده ایکی تینچاهالی هلاک ایتیلیب و باشقه قطار اویلر تخریب ایتیلگن.
بوتوغریده مملکت ملی مدافعه وزیری فکرینی آلیش اوچون سعی و حرکت قیلدیک؛ بیراق موفق بولمهدیک.
بوندن آلدین هم حربی عملیات‌لر نتیجهسیده قطار تینچاهالی اولیب و یرهلنگنی خصوصیده قطار گزارشلر ترقهلگن ایدی. حکومت هم اوشبو واقعهلرنی تیکشیریش اوچون هیات تعیین قیلگن؛ بیراق مذکور هیاتلر تیکشیریش نیتجهسینی بیان قیلمهگن.
