بامیان ولایتینینگ پارلماندهگی نمایندهلریدن کوپیسی، طاهرزهیرنینگ بامیان والیسی حیثیده تنلهنیشیگه قرشی تحصن قیلگن ایدیلر، بوگون چهارشنبه تحصنلرینی توختهتدیلر.
موندن 30 کون آلدین جناب زهیرنینگ بامیان والیسی حیثیده تنلهنیشیگه قرشی محمد اکبری، فکوری بهشتی و صفورا ایلخانیلر ولایت ایشیگیده تحصن خیمهسینی تیکگن ایدیلر.
بوندن آلدین بامیان قوم یاش اولوغلری، مدنی فعاللر، اجتماعی نهادلر و محلی ارگانلر معینی قوشیمچه ولایت دولتی رسمیلری- بامیان نمایندهلریدن تحصنلرینی توختهتیشلرینی ایستهگن ایدیلر.
بیرهفتهدن بویان جناب زهیر بامیان والیسی حیثیده ایش قیلیب کیلماقده و کورینیشیچه، بامیان نمایندهلری بوبارهده قیسی یوتوقگه ایریشمهسی اوزتحصنلرینی توختهتگنلر.
اعتراضچی وکیللردن بیری محمد اکبری، تحصن خیمهسینی ییغیشلریدن دلیل بامیان ینگی والیسی جناب زهیرگه قرشی کورهشیش شیوهسینی اوزگرتیریش دیگن.
بامیان باشقه بیر اعتراضچی وکیلی صفورا ایلخانی تحصن خیمهسینی ییغیش دلیللری جلریز حادثهسیده قولی بولگنلرگه قرشی کورهشیش و شونینگدیک ایچکی ایشلر وزیرینی استیضاح قیلیش دیب بیلهدی.
دایکندی ولایتیده هم ینگی والی معصومه مرادیگه قرشی ولایت پارلماندهگی وکیللرینینگ تحصنلری دوامی بار.
